Aukning langtímaveikinda meðal félagsmanna Kennarasambands Íslands hefur leitt til þess að skerða þarf þann tíma sem félagsmenn eiga rétt á greiddum sjúkradagpeningum um 25%.
Kristín Stefánsdóttir, formaður stjórnar sjúkrasjóðs Kennarasambandsins, segir að ef ekki hefði verið brugðist við með skerðingum hefði sjóðurinn tæmst á einu ári.
Í umfjöllun um mál þetta í Morgunblaðinu í dag segir hún aukið álag á kennara í starfi líklega orsök aukinna langtímaveikinda á meðal félagsmanna.