Holtavörðuheiði og fleiri vegum lokað

Svona er staðan á Fróðárheiði nú síðdegis.
Svona er staðan á Fróðárheiði nú síðdegis. Ljósmynd/Vegagerðin

Lögreglan á Norðurlandi vestra vekur athygli á versnandi færð á Facebook-síðu sinni en af þeim sökum er til að mynda Holtavörðuheiði lokuð og skilyrði víða annars staðar í umdæminu slæm.

Samkvæmt upplýsingu á vefsíðu Vegagerðarinnar er hringvegurinn lokaður frá Hrútafirði að Vatnsdal. Auk þess er ófært um sunnanvert Snæfellsnes og Fróðárheiði en vindur á sunnanverðu Snæfellsnesi fer í allt að 36 m/s.

Eins og áður hefur komið fram er tekið að hvessa af norðaustri á nýjan leik og við það eykst skafrenn­ing­ur víða um landið norðan- og aust­an­vert og skyggni versn­ar.

mbl.is
Fleira áhugavert
Fleira áhugavert