Jóni Atla Benediktssyni rektor Háskóla Íslands var bjargað út um glugga á 3. hæð aðalbyggingar Háskóla Íslands í dag og fluttur í körfubíl niður á jörð. Aðgerðin var hluti af björgunaræfingu í tilefni af eldvarnarátaki Landssambands slökkviliðs- og sjúkraflutningamanna.
mbl.is var á staðnum og fylgdist með atburðarásinni.
Slökkviliðsmenn brýna fyrir almenningi að huga vel að eldvarnarmálum nú þegar jólin nálgast og fólk kveikir á kertum á heimilunum.