Fátækt „algjört forgangsmál“
Setja bókamerki
Ásmundur Einar Daðason, félags- og jafnréttismálaráðherra, segist ætla að fara vel og vandlega yfir fátækt á Íslandi, sérstaklega fátækt barna.
Hann ætlar að kalla saman breiðan hóp hagsmunaaðila vegna vandamálsins strax í næstu viku, þar á meðal frá Barnaheillum.
„Þetta verður algjört forgangsmál,” sagði Ásmundur Einar í Sprengisandi á Bylgjunni.
Ráðherrann talaði um fleiri mál á dagskrá, þar á meðal hækkun á frítekjumarki aldraðra og aukið jafnrétti. Minntist hann á launamun kynjanna og sagði að takast þurfi á við hann í kjarsasamningaviðræðum við opinbera starfsmenn.
Einnig nefndi hann vinnu við innleiðingu NPA, notendastýrða persónulega aðstoð.
Hefði viljað sjá konur í meirihluta
Þorgerður Katrín Gunnarsdóttir, fyrrverandi landbúnaðar- og sjávarútvegsráðherra, var einnig gestur þáttarins. Hún sagði mikilvægt fyrir forseta Alþingis, Steingrím J. Sigfússon, að styðja við bakið á stjórnarandstöðunni.
„Það reynir á nú sem aldrei fyrr hvernig forseti þingsins mun sinna sínu starfi,” sagði hún og nefndi að bæta þurfi vinnulagið á Alþingi.
Þorgerður Katrín bætti við að hún hefði viljað sjá konur í meirihluta í nýju ríkisstjórninni. „Þetta tækifæri gafst og það var ekki nýtt.”
Vélsleðaslys: Þyrlan kölluð út á mesta forgangi
Æskuvinur Íslendings myrtur í Noregi
„Hvílir mikil leynd yfir þessu öllu“
Skar höfuðleðrið af íslenskri konu
Krefjast stöðvunar framkvæmda
Tveir í bílnum sem lenti utan vegar
Eyjafjarðarbraut lokað vegna alvarlegs umferðarslyss