Miklir tungumálaperrar

Úlfur Úlfur: Arnar Freyr Frostason og Helgi Sæmundur Guðmundsson.
Úlfur Úlfur: Arnar Freyr Frostason og Helgi Sæmundur Guðmundsson. Kristinn Magnússon

Þegar Edda útgáfa hafði samband við félagana í hinni vinsælu rappsveit Úlfur Úlfur, Helga Sæmund Guðmundsson og Arnar Frey Frostason, og bað þá að koma að rappkeppninni Syrpu Rappi þurftu þeir ekki að hugsa sig um tvisvar. „Við höfum verið lengi í rappinu og fyrir vikið í góðri aðstöðu til að miðla af reynslu okkar. Síðan erum við báðir grjótharðir Andrésar Andar-menn. Það spillti ekki fyrir,“ segir Helgi Sæmundur léttur í bragði en þess má geta að Arnar Freyr er með Andrésar-húðflúr á handleggnum. Fyrir þá sem ekki vita þá gefur Edda út hinar ódauðlegu bókmenntir um Andrés karlinn Önd og hina litríku félaga hans hér í fásinninu.

Hlutverk Úlfanna tveggja verður að hjálpa til við að velja bestu textana og semja síðan lag með sigurvegaranum í Stúdíó Sýrlandi. Einnig verður gert myndband við lagið. Syrpu Rapp er fyrir krakka á aldrinum sjö til tólf ára sem langar að spreyta sig á rappi og textagerð. Textinn þarf að vera á íslensku og til þess að vera með þarf að hlaða slóð inn á YouTube og senda slóðina á upptökuna ásamt textanum á edda@edda.is fyrir 17. desember næstkomandi. Keppendur mega rappa einir og sér eða í félagi við aðra.

Helgi Sæmundur veit til þess að þátttaka hafi farið vel af stað og hvetur alla sem hafa áhuga að missa ekki af skilafrestinum. „Við erum mjög spenntir að sjá hvað kemur út úr þessu og hlökkum til að vinna með sigurvegaranum. Við eigum eftir að gera eitthvað skemmtilegt saman!“

Hinn 27. desember verða upptökur af tíu bestu textunum birtar á andresond.is og gefst almenningi í framhaldinu tækifæri til að kjósa sitt uppáhald. Sigurvegari verður svo krýndur með pomp og prakt 6. janúar 2018.

Helga Sæmundi þykir Syrpu Rapp frábært framtak. Keppnin skapi ekki aðeins tækifæri, heldur ýti jafnframt undir áhuga. „Hún er mjög falleg, þessi keppni, og skiptir svo sannarlega miklu máli. Jafnvel þótt hún sé fyrir unga krakka þá eru margir komnir með mikla hæfileika strax á þessum aldri, sjáðu bara Góða Úlfinn. Er hann ekki níu ára? Alla jafna er enginn vettvangur fyrir svona unga krakka og þess vegna fagna ég þessari keppni. Það er ekki til lítils að vinna að fá að fara í stúdíó og búa til lag. Ég hefði pottþétt skráð mig hefði svona keppni verið til þegar ég var tíu eða tólf ára,“ segir hann en það var einmitt á þeim aldri sem Helgi Sæmundur og Arnar Freyr byrjuðu að rappa og skrifa texta heima á Sauðárkróki.

Fátt er fallegra en íslenskan

Ekki þykir honum síðra að textarnir verði að vera á íslensku. „Við Arnar erum miklir tungumálaperrar og fátt er fallegra, hvort sem er á prenti eða í eyra, en góð íslenska. Gaman verður að sjá hversu færir krakkarnir eru orðnir. Sjálfur hef ég ekkert á móti tökuorðum, úr ensku eða öðrum málum, svo lengi sem það er rétt gert.“

Nánar er rætt við Helga Sæmund og fjallað um Syrpu Rapp í Sunnudagsblaði Morgunblaðsins. 

Innlent »

Arkitekt að eigin lífi

Í gær, 23:00 „Gríman er fallin“, sagði Svava Björk Hjaltalín arkitekt í Magasíninu þegar hún lýsti árangrinum af þeirri sjálfsvinnu sem hún hefur verið í undanfarin ár. Á dögunum birti hún stöðuuppfærslu þar sem hún lýsti því hvernig hvernig einu takmarki af nokkrum hefði náðst og nú væru sex mánuðir eftir. Meira »

Krefst svara frá forsætisnefnd

Í gær, 22:48 Jón Þór Ólafsson, þingmaður Pírata, gagnrýnir harðlega ákvörðun Steingríms J. Sigfússonar þess efnis að bjóða Piu Kjærsgaard, forseta danska þingsins, til hátíðarfundar á Þingvöllum. Þá gagnrýnir hann einnig að ekki hafi verið upplýst um aðkomu Kjærsgaard fyrr en í gær þrátt fyrir að henni hafi verið boðið til landsins í apríl. Hann mun kalla eftir skýrum svörum frá forsætisnefnd vegna málsins. Meira »

Píratar gerðu engar athugasemdir

Í gær, 22:07 „Eins og ég hef reynt að margsegja í dag þá er Pia Kjærsgaard er ekki boðin hingað sem Pia Kjærsgaard eða vegna skoðana sinna. Hún er forseti danska þingsins,“ segir Steingrímur J. Sigfússon forseti Alþingis, í samtali við mbl.is. Meira »

Fólk hrætt um að eldurinn nálgist bæina

Í gær, 21:41 „Þetta er hérna allt í kringum okkur. Þetta voru fimm eldar síðast þegar ég vissi,“ segir Björn Fannar Björnsson, nemi í málmiðnum, er búsettur með fjölskyldu sína í Ljusdal í Gävleborg í Svíþjóð. Meira »

Segja lífeyrissjóði raska lánamarkaði

Í gær, 21:29 Matsfyrirtækið Standard & Poor´s segir lífeyrissjóðina skapa skekkju á íslenskum lánamarkaði þar sem sjóðunum er ekki gert að uppfylla sömu kröfur og gerðar eru til fjármálafyrirtækja. Útlánastarfsemi lífeyrissjóðanna er sögð hafa áhrif á verðlagningu bankana og stöðu útlánatryggingu þeirra. Meira »

Hvergi betra að vera kona en á Íslandi

Í gær, 20:42 Ástralski sjónvarpsþátturinn Dateline gerði Ísland að viðfangsefni sínu á dögunum þar sem fjallað var ítarlega um jafnrétti kynjanna. Þáttastjórnandinn, Janice Petersen, fer í þættinum um Ísland, kynnir sér stefnur og strauma í jafnréttismálum og mærir landið í hástert fyrir öfluga jafnréttisstefnu. Hún segir Ísland vera femíníska útópíu og hvergi sé betra í heiminum að vera kona en á Íslandi. Meira »

Gjaldtakan var forsenda útboðsins

Í gær, 19:58 „Þegar við tókum þátt í útboðinu fyrir ári síðan þá var ein forsenda útboðsins sú að hafin yrði gjaldtaka á þessu ytra stæði og við buðum náttúrulega í þetta miðað við þær forsendur,“ segir Björn Ragnarsson, framkvæmdarstjóri Kynnisferða. Meira »

Magnús Stefánsson ráðinn bæjarstjóri

Í gær, 19:19 Á fundi bæjarstjórnar Sameinaðs sveitarfélags Sandgerðisbæjar og Garðs í dag var samþykkt tillaga um að Magnús Stefánsson verði ráðinn bæjarstjóri í Sameinuðu sveitarfélagi Sandgerðisbæjar og Sveitarfélagsins Garðs kjörtímabilið 2018-2022. Meira »

Leggja ekki fram nýjar tillögur

Í gær, 19:02 Boðað hefur verið til fundar í kjaradeilu ljósmæðra í fyrramálið. Til stóð að halda næsta samningafund á mánudaginn en ríkissáttasemjari ákvað að flýta fundinum í ljósi þeirrar alvarlegu stöðu sem upp er komin. Formenn samninganefndanna hafa ekki lagt fram nýjar tillögur til að leysa deiluna. Meira »

Mótmæli lituðu hátíðarfundinn

Í gær, 18:42 Mótmæli bæði áhorfenda og þingmanna settu svip sinn á hátíðarfund Alþingis, sem fram fór undir Lögbergi á Þingvöllum í dag. Mæting almennings á fundinn var mun dræmari en búist hafði verið við. Meira »

Norðmaður vann tæpar 29 milljónir

Í gær, 18:28 Fyrsti vinn­ing­ur gekk ekki út í Vík­ingalottóút­drætti kvölds­ins en einn heppinn Norðmaður vann annan vinning og hlýtur 28,7 milljónir króna í vinning. Meira »

Leituðu til sendiráðsins vegna áreitis

Í gær, 18:06 „Þau eru búin að vera að lenda í allskonar skítkasti á víð og dreif um landið. Fólk að segja þeim að koma sér heim og að þau séu búin að eyðileggja náttúruna og að gefa þeim, „fokk“-merki,“ segir Magnús Ásgeirsson um frönsku ferðamennina tvo sem gerðust sekir um utanvegaakstur við Kerlingafjöll. Meira »

Flutt frá Þingvöllum í lögreglufylgd

Í gær, 18:02 Lokað var fyrir almenna umferð á meðan nokkrar rútur, í lögreglufylgd, fluttu fyrirmenni frá Þingvöllum. Þau höfðu verið viðstödd hátíðarfund Alþingis þar í tengslum við aldarafmæli fullveldis á Íslandi. Meira »

Gagnrýnir Helgu Völu harðlega

Í gær, 17:07 Gunnar Bragi Sveinsson, þingflokksformaður Miðflokksins, gagnrýnir þá ákvörðun Helgu Völu Helgadóttur, þingkonu Samfylkingarinnar, að ganga burt af þingpöllum þegar Pia Kjærsgaard hóf ræðu sína, harðlega. Meira »

Vélmenni Gæslunnar í svaðilför

Í gær, 16:46 Sprengjuleitarvélmenni Landhelgisgæslunnar lék lykilhlutverk í aðgerðum lögreglunnar og sprengjudeildar Landhelgisgæslunnar í Mosfellsbæ þegar sprengja var aftengd. Vélmennið var óhrætt við að handleika sprengjuna og koma henni fyrir í holunni, þar sem hún var sprengd. Meira »

Fundur á morgun í kjaradeilu ljósmæðra

Í gær, 16:17 Ríkissáttasemjari hefur boðað til fundar í kjaradeilu ljósmæðra klukkan 10.30 í fyrramálið. Til stóð að fundur yrði næsta mánudag, en nú hefur verið boðað til fundar á morgun líkt og áður segir. Meira »

Gekk burt þegar Kjærsgaard hóf ræðu sína

Í gær, 16:15 Helga Vala Helgadóttir, þingkona Samfylkingarinnar, gekk af þingpöllum þegar Pia Kjærsgaard, forseti danska þingsins, hóf ræðu á hátíðarfundi Alþingis á Þingvöllum í dag. Meira »

Rörbúturinn reyndist sprengja

Í gær, 16:08 „Það var lán í óláni að hún hafi ekki sprungið á neinn,“ segir Leifur Guðjónsson gröfumaður í samtali við mbl.is. Leifur var að moka úr malarhrúgu þegar hann kom auga á sprengjuna á Blikastaðanesi og varð eðlilega smeykur þegar hann áttaði sig á að hann væri með virka sprengju í höndunum. Meira »

Sprengjan var virk - Búið að sprengja

Í gær, 14:53 Sprengjan sem fannst í Mosfellsbæ um hádegisbil var virk. Þetta segir Valgarður Valgarðsson, aðalvarðstjóri hjá lögreglunni á höfuðborgarsvæðinu. Meira »