Eldur kom upp í þaki húss við Grettisgötu nú síðdegis. Allt tiltækt lið slökkviliðsins á höfuðborgarsvæðinu var kallað á vettvang og greiðlega gekk að slökkva eldinn, samkvæmt upplýsingum þaðan.
Tilkynning barst um eld korter fyrir fjögur en húsið sem kviknaði í er timburhús sem nýbúið er að flytja á staðinn. Iðnaðarmenn vinna í húsinu.
Greiðlega gekk að slökkva eldinn en lögregla og iðnaðarmenn slökktu mesta eldinn í upphafi, samkvæmt upplýsingum frá slökkviliði. Tvær stöðvar eru á staðnum þar sem þær gæta að glæðum en búið er að slökkva eldinn.