Dómur í sama máli sama dag 2 árum síðar
Setja bókamerki
Nákvæmlega tveimur árum eftir að dómur var kveðinn upp í Héraðsdómi Reykjavíkur í Stím-málinu svokallaða verður aftur kveðinn upp dómur í málinu eftir seinni umferð þess hjá héraðsdómi. Hittir svo á að í bæði skiptin var dómur kveðinn upp 21. desember. Í fyrra skiptið árið 2015, en núna árið 2017.
Upphafleg aðalmeðferð í málinu fór fram í nóvember 2015. Var það dómtekið 24. nóvember og var dómur kveðinn upp þremur vikum og sex dögum síðar, 21 desember. Var Lárus Welding, fyrrverandi bankastjóri Glitnis þar dæmdur í fimm ára fangelsi fyrir umboðssvik. Jóhannes Baldursson, sem var framkvæmdastjóri markaðsviðskipta, var dæmdur í tveggja ára fangelsi einnig fyrir umboðssvik og Þorvaldur Lúðvík Sigurjónsson, fyrrverandi bankastjóri Saga Capital, var dæmdur í 18 mánaða fangelsi fyrir hlutdeild að umboðssvikum.
Málinu var síðar áfrýjað til Hæstaréttar, en ákveðið var að taka fyrir hugsanlegt vanhæfi dómara málsins, Sigríðar Hjaltested. Hafði hún lýst sig vanhæfa í öðru máli tengdu Glitni skömmu eftir að dómur í Stím-málinu féll vegna þess að gögn þess máls tengdust meðal annars fyrrverandi eiginmanni hennar og barnsföður sem starfaði hjá Glitni. Þá hefði maðurinn stöðu sakbornings í máli sem væri til meðferðar hjá héraðssaksóknara.
Hæstiréttur féllst á að fella fyrri dóminn úr gildi og var málinu vísað í hérað að nýju. Þar tóku við deilur um hæfi dómara, en Símon Sigvaldason var dómari málsins. Ekki var fallist á að hann væri vanhæfur til að dæma málið. Þá var heldur ekki fallist á meint vanhæfi meðdómara málsins.
Aðalmeðferð annarrar umferðar málsins hófst 16. nóvember og sem fyrr segir verður dómsuppkvaðning núna aftur þann 21. desember.
Áverkar bentu til manndráps
„Þetta er pínu óvanaleg staða“
„Mér finnst Halla Hrund svona Vigdísarleg“
Myndir: Reynir við heimsmet í Hlíðarfjalli í dag
Fara ekki lengur fram á einangrun yfir Davíð
Búið að bólusetja börn alla helgina
Segir nýtt frumvarp gefa eldisfyrirtækjum auðlindir
Moses Hightower og Prins Póló gefa út eyjalag