„Boltinn er hjá ríkinu“

Sjúkrabílar landsins eru í eigu Sjúkrabílasjóðs Rauða krossins.
Sjúkrabílar landsins eru í eigu Sjúkrabílasjóðs Rauða krossins. mbl.is/Hjörtur

„Boltinn er hjá ríkinu. Ef ráðuneytið vill færa rekstur sjúkrabíla úr höndum Rauða krossins yfir til ríkisins eða einkavæða, þá vinnum við með þá stöðu en fyrst og fremst þarf að taka ákvörðun. Þetta óvænta útspil ríkisins fyrir rúmu ári um breytt eignarhald var ekki rökstutt og hefur ekki verið útfært nánar. Við viljum taka samtalið við nýjan ráðherra, ræða eignarhaldið og uppgjör við Rauða krossinn komi til þess að ríkið vilji hætta samstarfinu,” segir Kristín S. Hjálmtýsdóttir, framkvæmdastjóri Rauða krossins, um samning um rekstur sjúkrabíla sem hefur ekki verið endurnýjaður í rúm tvö ár.  

Árið 2015 rann út samn­ing­ur ríkisins og Rauða krossins um end­ur­nýj­un og rekst­ur sjúkra­bíla. Sjúkrabílarnir eru í eigu Sjúkrabílasjóðs Rauða kross­ins sem jafnframt sér um rekstur þeirra. Slíkir samningar hafa verið í gildi í um 90 ár. Kristín tekur fram að sjúkrabílarnir eru ekki reknir í ágóðaskyni og engin teikn á lofti um að breyting verði á því, ef samningurinn verði endurnýjaður.

Haustið 2016 þegar samningur var nánast í höfn kom óvænt útspil frá ráðuneytinu um að bílarnir skyldu vera í eigu ríkisins. Þetta ár var Kristján Þór Júlí­us­son heil­brigðisráðherra en hann gegndi embætt­inu á ár­un­um 2013 til 2017.

„Við vorum að taka lokið af pennanum þegar þetta óvænta útspil kom. Þetta kom eins og þruma úr heiðskýru lofti og útboð á sjúkrabílum hefur strandað á þessu. Við höfum ekki fengið nein frekari svör við því hvernig ríkið hyggst útfæra nýtt fyrirkomulag,“ segir Kristín. Bæði Rauði krossinn og Sjúkratryggingar Íslands sem sáu um samningagerð fyrir hönd ríkisins hafa upp frá því þrýst á ráðuneytið um frekari svör og skýringar á útfærslu á eignarhaldi en ekkert fengið.

Óttarr Proppé tók við heilbrigðisráðuneytinu árið 2017 og engin svör fengust frá ráðuneytinu á þeim tíma, að sögn Kristínar.   

Bjartsýn á fund með nýjum ráðherra í janúar

„Við eigum fund í byrjun janúar með heilbrigðisráðherra og erum bjartsýn á að ná góðu samtali við nýjan ráðherra,“ segir Kristín.

Hún bendir á að þrátt fyrir að sjúkrabílaflotinn sé að eldast þá er hann ekki orðinn úreltur. Á árunum 2014 til 2016 varð talsverð endurnýjun á bílunum en meðalaldur þeirra er orðinn 9 ára en gott er að hafa hann um sex ára. „Það er samt engin hætta á ferð en það er meira álag á sjúkrabílum, fjöldi útkalla hefur aukist og innviðir eru þandir. Þetta er líka landsbyggðarmál því við viljum tryggja öryggi allra íbúa á landinu,“ segir Kristín.

Kristín S. Hjálmtýsdóttir, framkvæmdastjóri Rauða krossins.
Kristín S. Hjálmtýsdóttir, framkvæmdastjóri Rauða krossins. Ljósmynd/Sigurður Óalfur Sigurðsson
mbl.is

Innlent »

Kynna tillögur í húsnæðismálum á morgun

15:46 Katrín Jakobsdóttir forsætisráðherra hóf almennar stjórnmálaumræður á Alþingi þegar þingið kom aftur saman eftir jólafrí. Forystumenn stjórnamálaflokkanna taka þátt í umræðunum. Katrín fjallaði í ræðu sinni um stöðuna á vinnumarkaði og endurskoðun stjórnarskrár. Meira »

Blöskrar fjarlæging málverksins

15:39 Ákveðið var að fjarlægja nektarmálverk eftir Gunnlaug Blöndal úr bankanum þar sem það fór fyrir brjóstið á starfsmanni bankans. „Það er álíka fráleitt að fjarlægja listaverk eins stórkostlegasta málara 20. aldarinnar, Gunnlaugs Blöndal, af vegg í opinberri stofnun eins og að brenna bækur eða fjargviðrast út af fyrirlesara á frjálsum markaði.” Meira »

Ólafur og Karl fengu ekki ræðutíma

15:36 Karl Gauti Hjaltason og Ólafur Ísleifsson, óháðir þingmenn sem vikið var úr þingflokki Flokks fólksins í kjölfar Klausturmálsins, gagnrýndu forseta Alþingis við upphaf þingfundar í dag. Allir forystumenn flokka taka þátt í almennum stjórnmálaumræðum en óháðu þingmennirnir tveir fá ekki að taka þátt. Meira »

Flokka plast og pappa í verslunum

15:11 Flestir vilja minnka notkun og umstangið sem fylgir umbúðunum sem flestar vörur eru innpakkaðar í. Í tveimur verslunum Krónunnar er viðskiptavinum nú gefið færi á því að skilja plast og pappa eftir í verslununum sem sjá um að koma ruslinu í endurvinnslu. Meira »

Kæra útgáfu bráðabirgðaleyfisins

13:54 Útgáfa bráðabirgðarekstrarleyfis til fiskeldisfyrirtækisins Arctic Sea Farm hefur verið kærð, en leyfið var gefið út í nóvember eftir að samþykkt voru á Alþingi lög til að koma í veg fyrir að starfsemi fyrirtækisins legðist af. Meira »

Meirihluti lækna vill Landspítalann á nýjan stað

13:01 Meirihluti lækna á Íslandi telur staðsetningu Landspítala við Hringbraut í Reykjavík óheppilega og að þörf sé á nýju staðarvalsmati vegna byggingar nýs spítala samkvæmt niðurstöðum viðamikillar skoðanakönnunar, sem unnin var fyrir Læknafélag Íslands, eða rúmlega 60%. Meira »

Dró vélarvana skip til Hafnarfjarðar

12:12 Stjórnstöð Landhelgisgæslunnar barst beiðni um aðstoð frá fiskiskipinu Kristínu GK síðdegis í gær, en skipið var þá vélarvana um 30 sjómílur vest-norðvestur af Garðskaga. Varðskipið Týr var þá úti fyrir Keflavík og hélt þegar í átt að fiskiskipinu. Meira »

Nægur snjór í Bláfjöllum eftir helgina

12:05 „Þetta er allt að koma,“ segir Einar Bjarnason, rekstrarstjóri í Bláfjöllum, en þar er stefnt að opnun skíðasvæða á miðvikudag eða fimmtudag. Meira »

Græn viðvörun á Suðurlandi

11:58 Veðurstofa Íslands hefur gefið út græna viðvörun fyrir Suðurland en þar er spáð suðvestanhríð. Þar sem spáin er óstöðug er um grænt ástand að ræða sem gildir til klukkan 16. Vegagerðin hefur afturkallað spá um hríð og skafrenning suðvestan- og og sunnanlands. Meira »

Mikil óvissa um afrán hvala

11:48 Ekki er hægt að fullyrða að verulega þurfi að auka veiðar á hvölum til að þær hafi áhrif á afrakstur annarra nytjastofna sjávar til lengri tíma litið. Meira »

Meðalhraði mældur í stað punkthraða

11:47 Hraðamyndavélar af nýrri kynslóð hafa verið settar upp við Norðfjarðargöng, en í stað þess að mæla hraða bifreiða á ákveðnum tímapunkti, svokallaðan punkthraða, líkt og hefðbundnar hraðamyndavélar reikna þær út meðalhraða á tiltekinni vegalengd. Meira »

„Undarleg tímaskekkja puritanisma“

10:52 Bandalag íslenskra listmanna furðar sig á þeirri ákvörðun Seðlabanka Íslands að fjarlægja verk Gunnlaugs Blöndal úr almenningsrými og koma því fyrir í geymslum bankans og segir það undarlega tímaskekkju „puritanisma“ að ritskoða list með þessum hætti. Meira »

Þýðir ekki að opna fyrr en það er öruggt

10:47 Vegagerðin gefur lítið fyrir þá gagnrýni að hún sé of lengi að kanna aðstæður eftir að vegum er lokað. Löng röð myndaðist við vegalokun á Þjóðvegi 1 við gatnamót Þingvallavegar í gær þegar veginum um Kjalarnes var lokað en tvær rútur fóru þar út af um kvöldmatarleytið. Meira »

Vilja hvalaskýrslu dregna til baka

10:44 Stjórn Landverndar skorar á Hagfræðistofnun Háskóla Íslands að draga til baka skýrslu sína um þjóðhags­leg áhrif hval­veiða sem unn­in var fyr­ir at­vinnu­vegaráðuneytið. Telur Landvernd rétt að vinna skýrsluna upp á nýtt í samráði við vistfræðinga. Meira »

Snjókomubakki með allhvössum vindi

09:38 Snjókomubakki með allhvössum vindi, skafrenningi og blindu nálgast suðvestanvert landið um klukkan 10 til 12. Veðrið lagast svo um tíma en skellur aftur á eftir klukkan 14. Meira »

„Taka því rólega og gefa sér tíma“

09:14 Umferðin á höfuðborgarsvæðinu í morgun hefur gengið hægt en vel. Fólk hefur tekið mið af aðstæðum en éljagangur hefur verið af og til. Ómar Smári Ármannsson aðstoðaryfirlögregluþjónn ráðleggur fólki að fara ekki á göturnar á sumardekkjum eða að aka um á slæmum hjólbörðum. Meira »

Dæmdur fyrir ítrekuð umferðarlagabrot

08:33 Héraðsdómur Reykjavíkur hefur dæmt karlmann í 60 daga skilorðsbundið fangelsi og svipt hann ökurétti í fimm ár vegna umferðarlagabrota. Ákæran er í þrettán liðum. Meira »

Lengja beinar útsendingar úr Eldey

08:18 Vinnu við að endurnýja búnað „súluvarpsins“ úr Eldey er lokið. Útsendingar lágu niðri frá því um miðjan desember vegna skemmda á sólarrafhlöðum en þær komast í samt lag einhvern næstu daga. Stefnt er að því að lengja beinar útsendingar úr Eldey. Meira »

Heyin skutu þeim á toppinn

07:57 Afburðagóð hey sem bændurnir á Hóli í Svarfaðardal öfluðu sumrin 2017 og 2018 skjóta þeim á topp listans yfir afurðamestu kúabúin á nýliðnu ári. „Ég held að við höfum aldrei verið með jafngóð hey og þessi tvö sumur. Nytin er ekki að aukast vegna kjarnfóðurgjafar því við höfum heldur minnkað hana.“ Meira »