369 fá listamannalaun
Setja bókamerki
Alls hafa 369 manns fengið úthlutuð listamannalaun fyrir árið 2018, samkvæmt niðurstöðu úthlutunarnefnda Launasjóðs listamanna.
Á meðal þeirra sem fá stærstu úthlutanirnar í sínum flokkum eru rithöfundarnir Hallgrímur Helgason, Jón Kalman Stefánsson, Sjón, Auður Jónsdóttir, Auður Ólafsdóttir og Gerður Kristný, tónlistarflytjandinn Ágúst Ólafsson, tónskáldin Mugison og Sunna Gunnlaugsdóttir, hönnuðurinn Hildur Björk Yeoman og myndlistarmennirnir Haraldur Jónsson og Hulda Rós Guðnadóttir.
Þá fær Sviðslistahópurinn 16 elskendur listamannalaun fyrir verkið Rannsókn ársins: Leitin að tilgangi lífsins, auk þess sem Leikhópurinn Lotta fær listamannalaun fyrir sumarsýningu sína.
Til úthlutunar eru 1.600 mánaðarlaun og sótt var um 9.053 mánuði. Alls bárust 852 umsóknir um starfslaun frá einstaklingum og hópum.
Umsækjendur voru samtals 1.529.
Starfslaun listamanna eru 377.402 krónur á mánuði samkvæmt fjárlögum 2018. Um verktakagreiðslur er að ræða.
Aðkoman í gripahúsið mjög slæm
„Það er skiljanlegt að þolinmæði þeirra sé lítil“
„Menn eru bara búnir að forgangsraða“
Segjast hafa skotið niður langdræga sprengjuvél
Kvikan virðist nú skiptast til helminga
Bjarkey stendur við skammarbréf Svandísar
Ofsóttur innan veggja Boeing
Gerir ráð fyrir 150 samningum í næstu viku