Eina ráðið að fá Þór
Setja bókamerki
„Þetta var eina ráðið því Baldur siglir ekki til Flateyjar því hann er í viðgerð en hann fer alltaf með vatn til eyjarinnar,“ segir Ingibjörg Birna Erlingsdóttir, sveitarstjóri Reykhólahrepps, um vatnsskort í Flatey. Um helgina dældi varðskipið Þór neysluvatni í tanka í Flatey vegna yfirvofandi vatnsskorts. Heimamenn höfðu óskað eftir aðstoð.
Tvær vatnsveitur eru í Flatey, svokallaður Grænagarðsbrunnur og hin er einkarekin. Föst búseta er í þremur húsum í Flatey. Tvö þeirra eru tengd Grænagarðsbrunni en þriðja húsið er tengt einkareknu vatnsveitunni sem og sumarhúsin í Flatey. Þau eru mikið notuð á sumrin og yfir hátíðisdaga þar með talin jólin sem hafði áhrif á vatnsforða eyjarinnar.
„Þessi staða kemur upp af og til,“ segir Ingibjörg en tekur fram að þetta hafi verið varúðarráðstafanir. Almennt er vatnið af skornum skammti og er ekki óþrjótandi auðlind í Flatey. Íbúar og gestir eyjarinnar eru því beðnir um að fara sparlega með það. Það er því ekki í boði af vera lengi í sturtu eða láta kalda vatnið renna eins og margir íbúar á landi gera gjarnan.
Uppbygging taki mið að vatnsbúskap
„Straumurinn má ekki vera mikið meiri,“ segir Ingibjörg spurð um ferðamannastrauminn í Flatey. Í því samhengi nefnir hún að alla uppbyggingu á eyjunni verði að gera með hliðsjón af vatnsbúskapnum.
Vél Breiðafjarðarferjunnar Baldurs er biluð og hafa viðgerðir tafist. Viðgerðum er ekki enn lokið og ekki ljóst hvenær Baldur siglir aftur á nýju ári. Baldur sigldi daglega tvær ferðir yfir Breiðafjörðinn frá Stykkishólmi til Brjánslækjar með viðkomu í Flatey.
Mánuður frá gosi: Lengsta gosið frá 2021
Íslenska ríkið dæmt brotlegt
Børsen brennur á afmæli drottningar
Íranar hafi vísvitandi gætt hófs
Byggingarheimildir verði tímabundnar
Danir í áfalli yfir brunanum
Boðar 17 milljarða hagræðingu á næsta ári