Íslendingur hlaut 3. vinning í Eurojackpot-útdrætti kvöldsins og fékk hann 13.124.780 krónur í sinn hlut, en hann skipti vinningnum með sex öðrum heppnum spilurum frá Spáni, Póllandi, Finnlandi og þremur frá Þýskalandi.
Enginn var með allar tölur réttar í útdrætti kvöldsins, en einn hlaut 2. vinning og fékk sá 260.308.410 krónur í sinn hlut. Sá miði var keyptur í Danmörku.
Enginn var með fimm réttar tölur í réttri röð í Jóker kvöldsins og heldur ekki fjórar réttar í réttri röð.
Tölur kvöldsins í Eurojackpot voru: 16-17-25-40-44 og stjörnutölurnar voru 2-9.
Jókertölur kvöldsins voru: 7-1-8-3-2