Kistunum rúllað út á kvöldin

Skúli Gunnlaugsson hjartalæknir er nýfluttur heim frá Bandaríkjunum en hann ...
Skúli Gunnlaugsson hjartalæknir er nýfluttur heim frá Bandaríkjunum en hann fékk bráðahvítblæði í fyrra. Hann gagnrýnir íslenskt heilbrigðiskerfi harðlega og segir m.a. að það vanti meira eftirlit. Ásdís Ásgeirsdóttir

Hjartalæknirinn og listaverkasafnarinn Skúli Gunnlaugsson er fluttur heim eftir tuttugu ár í Bandaríkjunum. Í viðtali við Sunnudagsblað Morgunblaðsins talar hann um ástríðu sína fyrir myndlist, hvítblæðið sem hann barðist við allt síðasta ár og íslenska heilbrigðiskerfið sem hann telur meingallað. 

„Ég vissi að það var eitthvað skrítið í vændum þegar tveir krabbameinslæknar sem unnu með mér bönkuðu hjá mér þar sem ég var að sjá sjúklinga. Þeir sögðu: Við þurfum að tala við þig. Þeir sögðu mér að hvítfrumurnar væru orðnar 300.000 en eðlilegt er um átta þúsund,“ segir Skúli og segir þá hafa sagt sér að hann væri með hvítblæði, líklega svokallað ALL (Acute Lymphoblastic Leukemia), og var það raunin. Hvítblæði má útskýra, í mjög svo stuttu máli, sem stjórnlaus vöxtur á hvítfrumum í blóðinu.

Læknarnir tjáðu Skúla að málið væri grafalvarlegt og þyldi enga bið. „Tala hvítfruma væri svo há að ég hefði átt að vera kominn með einhver svakaleg einkenni. Þetta var klukkan ellefu um morguninn, ég man það nákvæmlega, klukkan ellefu hinn 10. mars. Annar læknanna keyrði mig strax til Ohio, en ég fékk að fara heim til mín fyrst að pakka. Hvernig pakkar maður á fimmtán mínútum fyrir mánaðardvöl á spítala?“ segir Skúli og brosir út í annað.

Skúli hefur brennandi áhuga á íslenskri myndlist og á um ...
Skúli hefur brennandi áhuga á íslenskri myndlist og á um 600 verk og er safnið hans einstakt. Ásdís Ásgeirsdóttir


Hvað hefði gerst ef þú hefðir ekki farið í meðferð þennan dag?
„Þá hefði ég dáið á innan við viku líklega, kannski tíu dögum. Það lifir enginn með þetta svona,“ útskýrir Skúli.

Skúli rifjar upp fyrsta mánuðinn á spítalanum í Ohio, spítala sem sérhæfir sig í krabbameinsmeðferðum. „Ég var á deild með fjörutíu sjúklingum og þeir voru allir með bráðahvítblæði. Ég kalla þetta bara dauðadeild. Þarna dó einhver sem ég þekkti hvern einasta dag, ég sá kistunum rúllað út á kvöldin. En ég hafði bara trú á þessu. Mér hraus samt hugur við þessum mergskiptum og þessari geislun.“

Vill leyfa öðrum að njóta

 
Skúli lifir og hrærist í íslenskri myndlist. Á döfinni eru tvær yfirlitssýningar með verkum Skúla. „Það dugar ekki ein! Við ætlum að skipta þessu í gamla stöffið og nýja,“ segir hann. Auk þess stendur til að listfræðingur skrifi bók um safnið hans Skúla sem er algjörlega einstakt.
„Að því leytinu til að mitt safn er eina safn í einkaeigu sem spannar öll tímabil íslenskrar myndlistarsögu. Ég les um list hvern einasta dag og verð betri maður fyrir vikið, þetta hefur breytt mér. Ég hugsa allt öðruvísi. Ég nærist á listinni, það er þetta sem fleytir mér í gegnum daginn,“ segir hann og bætir við að listaverkin hafi komið honum í gegnum erfiðustu tíma í meðferðinni. Og lestur bóka, en hann segist hafa lesið tvær bækur á dag. Auk þess var hann mikið á netinu að skoða, lesa um og kaupa listaverk og fékk mikið út úr því að sinna þessu áhugamáli á þessu erfiða tímabili í lífinu. 

Skúli hefur brennandi áhuga á að sýna öðrum safnið sitt og vill að aðrir fái að njóta og læra. „Ég er ekkert mikið fyrir sviðsljósið sjálfur en ég hef mikla þörf fyrir að kynna safnið mitt,“ segir Skúli, sem er mikið í mun að segja frá því. „Þegar þú hafðir samband og vildir taka viðtal vildi ég það líka til að segja frá ástríðunni, ekki bara hvítblæðinu. Ég vildi ekki hafa þetta fórnarlambsviðtal. Ég hef ekki áhuga á því, enda er ég ekki fórnarlamb, ég er sigurvegari. Ég lít þannig á það að ég sé heppinn og er geysilega þakklátur. Það þýðir ekkert að vorkenna sér. Ef ég fæ þetta aftur hef ég þó alltaf fengið þennan bónus. Auðvitað var þetta rosalegt, þarna í mars þurfti ég allt í einu að fara að skrifa erfðaskrá og plana jarðarför. Ég skrifaði allt á miða og sagði vinum mínum frá því hvar þeir væru en sýndi engum þá,“ segir Skúli. En það er fleira en myndlist sem liggur hjartalækninum á hjarta. 


Vantar samkeppni og eftirlit


Hann vill tala um heilbrigðiskerfið okkar. Og hefur sterkar skoðanir á því eftir áratugi erlendis. 
 „Umræðan er komin út og suður. Það er engin skynsemi í henni, því miður, og það er vitlaust gefið. Ég kem úr bandarísku heilbrigðiskerfi, sem oft er talað um að sé hið ósanngjarnasta í heimi og talað um að þeir fátæku fái enga þjónustu, sem er alrangt. Ef þú ert fátækur í Bandaríkjunum hefurðu það miklu betra „heilbrigðislega“ séð en hér á landi. Ég veit það af því ég hef verið þar,“ segir Skúli og útskýrir hvað hann meinar með að það sé „vitlaust gefið“. 
„Á Landspítalanum snýst allt um það í rauninni að gera sem minnst; spítalinn er á föstum fjárlögum þannig að hann má ekki fara yfir þau. En úti í bæ er þetta akkúrat öfugt; því meira sem þú gerir, því betra. Þessi kerfi eiga að vera í samkeppni og eru þannig víða um heim, en hér gerir annað kerfið sem minnst en hitt sem mest. Spítalinn þarf líka að fá meira fjármagn til að gera meira; núna er engin hvatning til að gera sem mest,“ útskýrir hann. 
„Við erum með kerfi þar sem er einkarekstur og það er mjög gott og þjónustan er bæði góð og ódýr og borgar sig ábyggilega. En hún er eftirlitslaus. Og það er vandamálið. Það er ekkert eftirlit með því sem verið er að gera; það er verið að gera aðgerðir og ríkið borgar. Þetta er ekki læknum að kenna, heldur ríkinu að vera ekki með eftirlitskerfi og býður upp á misnotkun. Þetta er ekki hægt í Bandaríkjunum, ég gat ekki gert neina aðgerð eða rannsókn án þess að spyrja fyrst. Það er augljóst að verið er að gera aðgerðir úti í bæ sem á ekki að vera að gera. Landlæknir á að vera með eftirlit. Eins og þegar silikonpúðarnir voru farnir að leka voru ekki til neinar upplýsingar neins staðar. Þetta er meingallað kerfi. Við verðum að vita hvað við erum að gera. Og fyrir vikið er tortryggni,“ segir Skúli.

Ítarlegt viðtal við Skúla er í Sunnudagsblaði Morgunblaðsins um helgina. 

Skúli barðist við bráðahvítblæði í fyrra og hafði betur. Hann ...
Skúli barðist við bráðahvítblæði í fyrra og hafði betur. Hann var kominn í meðferð í öðru fylki sex tímum eftir greiningu.

Innlent »

Milljón fylgir Rúrik á Instagram

Í gær, 21:43 Rúrik Gíslason landsliðsmaður í knattspyrnu er kominn með milljón fylgjendur á samfélagsmiðlinum Instagram. Þessum áfanga náði Rúrik í kvöld, en þegar HM í Rússlandi byrjaði var knattspyrnukappinn einungis með um 30 þúsund fylgjendur. Meira »

Hugsuðu til hákarla á leiðinni

Í gær, 20:40 Þau Lilja Magnúsdóttir, Einar B. Árnason og Kristín Steinunnardóttir tóku í dag þátt í sundi frá fangelsiseyjunni Alcatraz og að landi í San Fransisco í Bandaríkjunum. Öll luku þau við sundið og fóru um 2,4 kílómetra í fjórtán gráðu heitum sjó á um það bil klukkustund. Meira »

Taka fréttum mjög alvarlega

Í gær, 20:25 Starfsfólk tónlistarhátíðarinnar Secret Solstice á að fá alla hátíðargesti til að sýna skilríki til að sanna aldur sinn. Hafa tilmæli um þetta verið ítrekuð, að því er fram kemur í yfirlýsingu frá aðstandendum hátíðarinnar. Meira »

Bakkabræður í hverju horni

Í gær, 19:19 Á Dalvík er að finna hið séríslenska kaffihús Bakkabræðra, Gísli, Eiríkur, Helgi. Boðið er upp á dásamlega fiskisúpu og heimabakaðar tertur og eftir matinn er tilvalið að skoða gersemar hússins, sem allar tengjast þeim bræðrum úr Svarfaðardalnum. Meira »

Leikið í anda vináttu og ástar

Í gær, 17:25 „Fótbolti er vinátta,“ segir Håkan Juholt sendiherra Svía hér á landi í samtali við mbl.is. Sendiráð Svíþjóðar og Þýskalands mættust í knattspyrnuleik í Hljómskálagarðinum í dag í tilefni af því að þjóðirnar takast á í heimsmeistarakeppninni í Rússlandi í kvöld. Meira »

Grunur um ölvunarakstur í Kömbunum

Í gær, 17:12 Lögreglunni á Suðurlandi barst tilkynning um umferðarslys í Kömbunum rétt eftir hádegi í dag. Enginn slasaðist í árekstrinum en ökumaður annars bílsins er grunaður um ölvunarakstur og er í fangageymslu lögreglu. Meira »

Slá þrjár flugur í einu höggi

Í gær, 17:07 Þau Þorbjörg Sandra Bakke og Fannar Ásgrímsson halda þrefalda veislu í dag. Tilefnin eru öll af stærri gerðinni en bæði Þorbjörg og Fannar útskrifast úr Háskóla Íslands í dag en verða ekki viðstödd útskriftarathöfnina þar sem þau ætla einnig að ganga í það heilaga í dag. Meira »

Dæmt til að greiða 58 milljónir

Í gær, 16:26 Þrotabú Pressunnar hefur verið dæmt til að greiða Útverði tæpar 58 milljónir króna vegna kaupa á DV ehf. fyrir fjórum árum. Seljendur DV veittu Pressunni lán fyrir kaupum á félaginu en tókst ekki að fá skuldina greidda þrátt fyrir tilraunir til innheimtu. Meira »

Flugvélin var ofhlaðin

Í gær, 15:39 Flugvél, sem fljúga átti frá Akureyri til Keflavíkurflugvallar en brotlenti innarlega í Barkárdal 9. ágúst 2015, með þeim afleiðingum að einn lést og annar slasaðist alvarlega, var ofhlaðin. Þetta er niðurstaða rannsóknarnefndar samgönguslysa, sem gefið hefur út skýrslu um slysið. Meira »

Líkfundur í Ölfusá

Í gær, 13:12 Lík karlmanns sem leitað hefur verið í Ölfusá frá 20. maí fannst fyrir landi Arnarbælis í Ölfusi í morgun.   Meira »

Sótti mann sem féll af hestbaki

Í gær, 11:56 Þyrla Landhelgisgæslunnar var kölluð á Snæfellsnes fyrr í dag vegna karlmanns sem slasaðist við fall af hestbaki. Vegna alvarleika áverka mannsins var talið öruggara að kalla út þyrluna en að flytja hann með sjúkrabíl á Landspítalann í Fossvogi. Meira »

Rigning, skúrir og væta

Í gær, 11:40 Rigning eða skúrir. Dálitlar skúrir. Rigning. Rigning. Væta. Þetta eru nokkur af þeim orðum sem Veðurstofan notar í textaspám sínum til að lýsa veðrinu á landinu næstu daga. Þá er líka von á hvassviðri. Meira »

Styðja þarf betur við íslenska námsmenn

Í gær, 11:23 Háskólarektor benti á ræðu sinni í dag að íslenskir háskólanemar vinni meira en samnemendur þeirra í Evrópu. „Þeir virðast líka leggja harðar að sér í náminu. Þá eru þeir almennt eldri, eiga fleiri börn og eru líklegri til að vera í sambúð.“ Meira »

Leita verðmæta í skipsflaki

Í gær, 09:46 Varðskipið Þór og TF-SIF, flugvél Landhelgisgæslunnar, fylgdust í gær með vinnu rannsóknarskipsins Seabed Worker sem kom inn í efnahagslögsöguna í gærmorgun. Skipið mun næstu daga leita að verðmætum í flaki þýska skipsins SS Minden Meira »

Ásmundur Friðriks á sjó í viku

Í gær, 09:37 Ásmundur Friðriksson, þingmaður Sjálfstæðisflokksins, hélt á sjó í hádeginu í gær en hann mun starfa í viku sem kokkur.  Meira »

Linda sveitarstjóri í Hvalfjarðarsveit

Í gær, 09:23 Linda Björk Pálsdóttir hefur verið ráðin sveitarstjóri í Hvalfjarðarsveit. Linda sinnti áður starfi skrifstofustjóra sveitarfélagsins. Meira »

Um 2.000 kandídatar útskrifast frá HÍ

Í gær, 09:14 Háskóli Íslands brautskráir nærri 2.000 kandídata úr grunn- og framhaldsnámi í dag í Laugardalshöll og líkt og undanfarin ár verða brautskráningarathafnirnar tvær. Meira »

Sveinspróf ekki talið sambærilegt stúdentsprófi

Í gær, 08:57 Sveinn Rúnar Gunnarsson, sem hefur starfað sem héraðslögreglumaður í fjögur ár og verið fastráðinn lögreglumaður síðan í vor hjá lögreglunni á Sauðárkróki, fékk nýverið synjun þegar hann sótti um að komast í lögreglunámið hjá Háskólanum á Akureyri (HA). Meira »

Víðförull hnúfubakur sýnir sig

Í gær, 08:18 Hnúfubakur sem merktur var með gervitunglasendi við Hrísey í Eyjafirði þann 10. nóvember 2014 og var 110 dögum síðar staddur í Karíbahafi, er nú aftur kominn á sumarstöðvarnar hér við land, var í fyrradag í miklu æti suður af Hauganesi ásamt nokkrum öðrum. Meira »
Sumarhús- gestahús- breytingar
Sumarhús - Gestahús - Breytingar ? Framleiðum stórglæsileg sumarhús í ýmsum stær...
SÆT ÍBÚÐ TIL LEIGU Í VENTURA FLORIDA
GOLF & SÓL . Vel búin & björt 2 svh & 2 bh íbúð á 18 holu golfvallarsvæði. 2 sun...
óska eftir vinnu
tvær þýskar stelpur um 25 ára, óska eftir vinnu við sauðfjárbú, hesta eða ferðaþ...
Vel með farinn Golfbíll til sölu á kr. 580.000
Bíllinn er með nýjum rafgeimum og mjög vel með farinn að öllu leiti. upplýsing...