Hálka eða snjóþekja á vegum á Vesturlandi og Vestfjörðum samkvæmt upplýsingum frá Vegagerðinni. Búið er að opna veginn um Súðavíkurhlíð og unnið er að mokstri í Ísafjarðardjúpi.
Snjóþekja, hálka eða hálkublettir eru á vegum á Norðurlandi. Töluverð snjókoma er í Húnavatnssýslu og Skagafirði og þæfingsfærð í Langadal, Þverárfjalli og á Siglufjarðarvegi.
Víðast er greiðfært á Austurlandi en hálka á nokkrum fjallvegum. Einnig er greiðfært með suðausturströndinni suður í Öræfi en nokkur hálka eða hálkublettir þar fyrir vestan.
Hálka eða hálkublettir eru annars á velflestum vegum á Suður- og Suðvesturlandi en þó er greiðfært á Reykjanesbraut, Grindavíkurvegi og Kjalarnesi.