Guðni Th. Jóhannesson, forseti Íslands, og Eliza Reid forsetafrú höfðu í nógu að snúast í opinberri heimsókn sinni í Svíþjóð í gær. Eliza flutti ávarp á morgunfundi og heimsótti Barnahús og Guðni fyrirlestur við stjórnmálafræðideild Stokkhólmsháskóla.
Dagurinn hófst á morgunverðarfundi með fólki úr ferðaþjónustunni þar sem Eliza flutti ávarp sitt. Þaðan var haldið í Karolinska Institutet í Stokkhólmi og þar sem fram fór kynning á samstarfsverkefnum sænskra og íslenskra vísindamanna.
Þá kynnti forseti sér vistvænar húsbyggingar í Stokkhólmi og skoðaði fjölbýlishús úr timbri og á sama tíma heimsótti forsetafrúin stóra matarverslun sem rekin er í þeim tilgangi að minnka sóun á matvælum til hagsbóta fyrir efnalítið fólk.
Því næst hélt forseti fyrirlestur við stjórnmálafræðideild Stokkhólmsháskóla og Eliza heimsótti Barnahús í Stokkhólmi sem ætlað er að veita börnum, sem grunur er um að séu fórnarlömb ofbeldis, öruggt umhverfi á meðan mál þeirra eru á rannsóknarstigi.