Miðstjórn Sjálfstæðisflokksins hefur ákveðið að landsfundur flokksins verði helgina 16.-18. mars nk. í Laugardalshöll.
Boðað hafði verið til landsfundar 3.-5. nóvember sl., en vegna síðustu þingkosninga var honum frestað. Var þá þegar ákveðið að fundurinn yrði haldinn á fyrsta ársfjórðungi 2018.
Í tilkynningu segir að dagskrá landsfundar verði með hefðbundnu sniði og í samræmi við ákvæði skipulagsreglna Sjálfstæðisflokksins.