Notendagjöld besti kosturinn

Skarphéðinn Berg Steinsson ferðamálastjóri.
Skarphéðinn Berg Steinsson ferðamálastjóri. mbl.is/Sigurður Bogi Sævarsson

„Eftir fordæmalausa fjölgun ferðamanna í bráðum áratug er sá tími kominn að stjórnendur íslenskra ferðaþjónustufyrirtækja þurfa að endurmeta stöðuna. Vöxturinn er hægari en verið hefur og nýir aðilar hafa ekki sama svigrúm og áður. Með öðrum orðum þýðir þetta að atvinnugreinin og starfsumhverfi hennar er að verða þróaðra og fagmennskan vonandi meiri,“ segir Skaphéðinn Berg Steinarsson, nýr ferðamálastjóri.

Eftir að hafa starfað lengi sem stjórnandi ýmissa fyrirtækja í ferðaþjónustu og staðið í eigin rekstri hefur Skarphéðinn Berg ýmsar hugmyndir og skoðanir á ferðamálum. Fyrir vöxt og viðgang greinarinnar segir hann að há tíðni flugferða til og frá landinu sé lykilatriði. Í því efni sé mikilvægt að efla Keflavíkurflugvöll og Leifsstöð enn frekar sem skiptistöð í flugi yfir Atlantshafið. Fjölgun farþega með því móti skapi tækifæri fyrir landið allt.

 Reykjavík sterkt vörumerki

„Möguleikarnir felast í því að tengja landsbyggðina við Keflavíkurflugvöll með góðum samgöngum. Vissulega geta fyrirtæki í greininni og stjórnvöld reynt að hafa áhrif á hvert fólk fer, en ákvörðunin er alltaf ferðamannsins sjálfs. Langflestir koma til Íslands hingað af því að náttúra landsins er áhugaverð en þegar dvalartími fólks styttist, sem er alþjóðleg þróun og er nú gjarnan þrír til fjórir dagar, segir sig sjálft að fólk fer ekki langt út á land nema samgöngur séu góðar. Og margir halda sig mest hér í Reykjavík, sem er sterkt vörumerki og vinsæll ferðamannastaður,“ segir ferðamálastjóri og heldur áfram:

„Markaðurinn er annars mikið að breytast. Nú sækir til dæmis til Íslands í vaxandi mæli ungt fólk frá Asíu og því þarf að bregðast við með hugsanlega breyttu vöruframboði. Hinn dæmigerði túristi sem hingað kemur er ekki lengur miðaldra Evrópubúi í náttúruskoðun. Á síðasta ári fóru út úr landinu 2,2 milljónir manna og fjölgaði um 425 þúsund milli ára. Ferðamönnum frá Austurlöndum fjær á líka eftir að fjölga mikið og áhugi Icelandair á Asíumarkaði er í því efni skiljanlegur.“

Á síðustu árum hefur mikið verið rætt um möguleika á gjaldtöku til þess að fjármagna uppbyggingu ýmissa þeirra innviða og þjónustu sem fjölgun ferðamanna kallar á. Engin niðurstaða er þó komin enn.

„Það er pólitísk spurning hvort ferðamenn eigi að leggja meira til samneyslunnar á Íslandi. Ef svo er, þá eru ýmsar leiðir færar, svo sem hækkun á virðisaukaskatti, komugjöld eða þjónustu- og notendagjöld ýmiskonar. Sjálfur tel ég það síðastnefnda besta kostinn í stöðunni. En það er sama hvaða leið er valin, álögurnar hafa alltaf áhrif á verðlagið og þar með eftirspurnina,“ nefnir Skarphéðinn sem segir að þó ferðaþjónusta á Íslandi nálgist nú jafnvægi eftir langt vaxtarskeið séu tækifærin í greininni mörg. Alltaf öðru hvoru komi inn nýmæli sem slái í gegn eins og norðurljósaferðir t.d.

„Í ferðaþjónustu liggur skylda opinberra aðila í því tryggja að búa greininni góðar aðstæður, setja reglur og sjá til þess að öryggismálin séu í lagi. Þar er mikilvægt að bæta upplýsingagjöfina því fólk frá fjarlægu landi þekkir ekkert í líkingu við hafrót í Reynisfjöru, svartabyl á Mosfellsheiði eða rok undir Hafnarfjalli. Því er til stórra bóta að nú er farið að loka vegum og stöðum þegar verst lætur. Annað í atvinnugreininni er þó alls ekki á valdi stjórnvalda, svo sem verðlagning. Hafa má mörg orð um hátt verð á til dæmis kökusneiðum og vatni á flöskum, en slíkt bítur auðvitað fyrst og fremst fyrirtækin sem fara offari í verðlagningu en ekki heildina. Hitt er samt ljóst að Ísland er og verður aldrei ódýrt sem ferðamannastaður og á kannski heldur ekki að vera þannig.“

Innlent »

Hljóp út í móa til að flýja lögreglu

12:39 Ökumaður sem lögreglan á Suðurnesjum stöðvaði um helgina tók á sprett út í móa til að flýja lögregluna. Hann sinnti því ekki þegar lögreglan gaf honum fyrirmæli um að stöðva og lögreglumaður hljóp hann þá uppi. Ökumaðurinn náði að sparka í lögreglumanninn svo á honum sá. Meira »

Vilja að Kristín Soffía biðjist afsökunar

12:34 Fulltrúar minnihlutans í skipulags- og samgönguráði Reykjavíkur vilja að Kristín Soffía Jónsdóttir, borgarfulltrúi Samfylkingarinnar, biðjist formlegrar afsökunar og dragi til baka ummæli sín um að trúnaður hafi verið brotinn á síðasta fundi ráðsins eftir að minnihlutinn gekk af fundinum. Meira »

Tónlistin færir gleði og tilgang

10:30 Goðsögnin David Crosby kemur fram ásamt hljómsveit í Háskólabíói á fimmtudag og á efnisskránni verða meðal annars lög sem Crosby, Stills, Nash & Young gerðu fræg. Crosby segist enn njóta þess að koma fram, meira en hálfri öld eftir að ævintýrið hófst. Meira »

Enginn í haldi vegna íkveikju

10:16 Lögreglan á höfuðborgarsvæðinu er að vinna úr vísbendingum sem hafa borist í tengslum við íkveikju fyrir utan bílaumboðið Öskju um fimm í nótt. Enginn hefur verið handtekinn í tengslum við íkveikjuna. Forstjóri Öskju segir að átta bifreiðar hafi skemmst í brunanum. Meira »

Tekinn með falsað ökuskírteini

10:15 Maður framvísaði fölsuðu ökuskírteini þegar lögreglan á Suðurnesjum hafði afskipti af honum um helgina. Var maðurinn stöðvaður vegna hraðaksturs. Meira »

Það er eitthvað í gangi með hvalina

09:51 „Við erum eitt stórt spurningarmerki, fræðimenn á þessu sviði, hérna heima alla vega, um hvað er í gangi. Það er eitthvað í gangi,“ segir Edda Elísabet Magnúsdóttir, hvalasérfræðingur og aðjúnkt í líffræði við Háskóla Íslands, í samtali við mbl.is um tíðar komur smáhvela inn á grynningar. Meira »

Stöðvaður á 155 km hraða

09:29 Lögreglan á Suðurnesjum kærði fimmtíu ökumenn fyrir of hraðan akstur um helgina. Langflest brotin áttu sér stað á Reykjanesbraut. Sá sem hraðast ók mældist á 155 km hraða þar sem hámarkshraði er 90 km á klukkustund. Meira »

Skóflustunga í september

07:57 Fyrsta skóflustunga að nýjum miðbæ á Selfossi verður tekin í lok september. Kosið var um miðbæinn í íbúakosningu í Árborg á laugardag og voru 58,5% hlynntir nýju aðalskipulagi vegna miðbæjarins og 39,1% andvígt. Meira »

Styrktir til að fara sjálfir aftur heim

07:37 Dómsmálaráðuneytið hefur sett út til kynningar í samráðsgátt stjórnarráðsins drög að reglugerð um heimild Útlendingastofnunar til að greiða umsækjendum um alþjóðlega vernd styrki ef þeir draga umsóknir sínar til baka eða þeim verður synjað. Meira »

Kalt og rigning

07:25 Veðurspár gera ráð fyrir rólegu veðri fram eftir vikunni en hitatölurnar ekkert til að hrópa húrra fyrir í ágústmánuði og enginn landshluti sleppur við vætu, að því er segir í hugleiðingum veðurfræðings Veðurstofu Íslands. Meira »

Teljari í dæluskúr gaf sig

07:10 Teljari í olíudæluskúr gaf sig með þeim afleiðingum að olía spýttist úr honum, flæddi úr skúrnum og í höfnina á Fáskrúðsfirði en verið var að dæla olíu um borð í uppsjávarskipið Hoffell SU-80 þegar óhappið varð. Meira »

Kveikt í bílum við Öskju í nótt

06:54 Fjölmennt lið slökkviliðs höfuðborgarsvæðisins var kallað út um fimm í nótt vegna bílbruna við bílaumboðið Öskju. Þar hafði verið kveikt í nýlegum bílum sem eru til sölu og stóðu fyrir utan húsnæði bílaumboðsins. Alls skemmdust sjö bílar. Meira »

Innan við helmingur staðfestur

06:02 Alls voru 43 prósent ákvarðana Útlendingastofnunar, um brottvísun og endurkomubann einstaklinga sem synjað var um alþjóðlega vernd hér á landi, staðfestar af kærunefnd útlendingamála í fyrra. Meira »

Dýrasta lausnin

05:30 „Það er augljóst að það er ekki góð meðferð á almannafé að setja fólk í þá stöðu að bjóða eingöngu upp á dýrustu lausnina til að leysa heilbrigðisvanda.“ Meira »

Heræfing hefst á Íslandi

05:30 Hluti heræfingar NATO, Trident Juncture, verður haldinn hér á landi sem undanfari aðalæfingarinnar sem hefst 25. október nk. í Noregi. Mun hún standa í tvær vikur og verður stór í sniðum. Meira »

Hækkana er ekki að vænta

05:30 „Það hefur engin almenn ákvörðun um launabreytingar verið tekin af kjaranefnd frá því í september 2017. Það hafa verið teknar ákvarðanir í einstaka málum, sem embættismenn hafa þá verið búnir að bera undir ráðið, en engin almenn ákvörðun um launahækkanir hefur verið tekin frá þeim tíma.“ Meira »

Ný stofnun yfir friðlýst svæði

05:30 „Þetta er gert til þess að efla náttúruvernd í landinu, gefa henni meiri slagkraft,“ segir Guðmundur Ingi Guðbrandsson umhverfisráðherra um tillögur sem lagðar hafa verið fram um nýja stofnun sem ætlað er að annast umsýslu allra þjóðgarða og annarra friðlýstra svæða í landinu, auk almennrar náttúruverndar. Meira »

Þurfum lengra sumar

05:30 Útlit er fyrir góða kartöfluuppskeru á Norðurlandi í haust. Lítil uppskera verður á Suðurlandi nema gott veður og frostlaust verði fram eftir hausti. Meira »

Flytja athvarf á St. Jósefsspítala

05:30 Ákveðið hefur verið að færa starfsemi Lækjar, athvarfs fyrir geðfatlaða í Hafnarfirði á St. Jósefsspítala. Ástæða þessa er að húsnæði athvarfsins er myglað, gluggar fúnir, vatn lekur inn í þvottahús þess og vatn í lögnum frýs. Gera þarf við húsið fyrir 17,3 milljónir króna til ársins 2020. Meira »
Bókhald
NP Þjónusta Býð fram liðveislu við bókanir, reikn-ingsfærslur o.fl. Hafið samban...
antik eikar hornskápur
er með fallegan hornskáp með strengdu gleri á25,000 kr sími 869-2798...