„Þú ættir að tala við pabba þinn“

Heiða Björg Hilmisdóttir og Katrín Jakobsdóttir á Grand Hótel í ...
Heiða Björg Hilmisdóttir og Katrín Jakobsdóttir á Grand Hótel í morgun. mbl.is/Árni Sæberg

„Byltingin hefur valdið ótrúlegri hugarfarsbreytingu á skömmum tíma,“ sagði Katrín Jakobsdóttir forsætisráðherra á sameiginlegum morgunverðarfundi stjórnmálaflokkanna í morgun. Yfirskrift fundarins var #metoo: Hvað svo?

Katrín sagði að reynslusögur kvenna, sem streymt hafa fram síðustu mánuði, sýni fram á kerfislægt misrétti valds á milli kynja. Eftir að byltingin hófst sé fólk búið að endurhugsa allt. „Karlar hafa velt fyrir sér „var þetta í lagi hjá mér?“ og konur hafa hugsað um hluti sem þær höfðu fært í gleymsku, sem ekki voru í lagi,“ sagði Katrín.

Í stjórnarsáttmála ríkisstjórnar er ný aðgerðaáætlun um úrbætur í meðferð kynferðisbrota og hún verður fjármögnuð að fullu. Ríkisstjórn mun, í samstarfi við sveitarfélögin, gera áætlun um að útrýma kynbundnu ofbeldi.

Forsætisráðherra sagði ánægjulegt að sjá stjórnmálaflokkana koma saman og það sé mikilvægast að allir geri þetta saman. „Það er best að ræða málin í sem breiðustum hópi. Við skulum nýta að við erum ólíkir flokkar og hreyfingar,“ sagði Katrín.

Siv Friðleifsdóttir og Sigurður Ingi Jóhannsson.
Siv Friðleifsdóttir og Sigurður Ingi Jóhannsson. mbl.is/Árni Sæberg

Þarf að hlusta á alla

Heiða Björg Hilmisdóttir stofnaði hópinn í Skugga valdsins þar sem stjórnmálakonur hafa deilt reynslusögum af kynferðislegu ofbeldi og áreitni. „Það er dásamlegt hvað við erum öll saman í að breyta þessu sem metoo-byltingin hefur afhjúpað,“ sagði Heiða í morgun.

Hún benti á að um 20 svipaðir hópar hefðu verið stofnaðir og undirtónninn væri alltaf sá sami. Þar væri sagt frá nauðgunum, þukli, káfi eða óviðeigandi athugasemdum. „Einnig er talað um hrútskýringar,“ sagði Heiða. „„Jæja góða. Þú ættir að tala við pabba þinn, hann veit rosalega mikið um málið,““ sagði Heiða er hún tók dæmi af hrútskýringu.

Heiða sagði að stundum væri eins og hugmyndir eða orð kvenna heyrðust ekki. Einnig var rætt um það í pallborðsumræðum og tekið dæmi af því þegar fyrrverandi ráðherra lagði fram mál á Alþingi. Hún kom gríðarlega vel undirbúin, hélt sína ræðu en viðbrögðin voru engin. Um klukkustund síðar kom karlmaður með sömu hugmynd og upp frá því spruttu fjörlegar umræður.

„Við þurfum að hlusta og raddir allra í flokkum þurfa að heyrast. Nýtum tækifærið, komum okkar hugmyndum fram og höldum áfram að breyta samfélaginu,“ sagði Heiða.

mbl.is

Bloggað um fréttina

Innlent »

Brugðist við lyfjaskorti

14:01 Lyfjastofnun hefur gripið til aðgerða til þess að bregðast við lyfjaskorti og er markmið þeirra að bæta yfirsýn stofnunarinnar og auðvelda henni að grípa til ráðstafana þegar nauðsyn krefur. Meira »

Mótmæla að grafarró verði raskað

13:45 Á sunnudaginn verður gjörningur í Víkurgarði í miðborg Reykjavíkur frá klukkan 14:00 til 16:00 til að mótmæla því að grafir 600 Reykvíkinga verði lagðar undir hótel. Meira »

Krónan fylgir ekki lengur sjávarútvegi

12:59 Það kom mörgum á óvart að krónan skyldi ekki veikjast þegar sjómenn fóru í verkfall á síðasta ári, en gjaldeyristekjur streyma núna inn úr fleiri áttum, s.s. í gegnum ferðaþjónustu. Meira »

Vélar WOW og Southwest rákust saman

12:33 Bandarísk flugmálayfirvöld hafa hafið rannsókn á atviki sem átti sér stað á alþjóðaflugvellinum í St. Louis í gær þegar flugvélar WOW air og Southwest Airlines rákust saman. Meira »

Útilokar ekki frekari frestun orkupakka

11:39 Ekki er útilokað að framlagning frumvarps um innleiðingu þriðja orkupakka Evrópusambandsins frestist lengur en til vorþings. Þetta segir Þórdís Kolbrún R. Gylfadóttir, iðnaðar- og nýsköpunarráðherra, í samtali við mbl.is. Meira »

Nýtt neyðarskýli fyrir unga vímuefnaneytendur

11:36 Borgarráð Reykjavíkur hefur samþykkt að fela skrifstofu eigna og atvinnuþróunar að ganga til samninga um kaup á húsnæði fyrir neyðarskýli fyrir unga vímuefnaneytendur. Í skýlinu, sem er fyrir unga karlmenn í neyslu, verður sólarhringsvakt og er áætlaður rekstrarkostnaður um 115 milljónir á ári. Meira »

Þörf á 4.000 íbúðum í borginni

11:08 Samkvæmt nýrri greiningu Capacent á stöðu og horfum á fasteignamarkaði í Reykjavík vantar um 4.000 íbúðir á næstu árum til að fullnægja þörf fyrir nýjar íbúðir í borginni. Eins og staðan er í dag verða hins vegar aðeins byggðar um 1.350 íbúðir í borginni á næstu tveimur árum. Meira »

Fordæmir vinnubrögð Sjómannafélagsins

10:38 Stéttarfélagið Framsýn fordæmir „ólýðræðisleg vinnubrögð“ trúnaðarráðs Sjómannafélags Íslands, vegna brottreksturs Heiðveigar Maríu Einarsdóttur sem boðið hefur sig fram til formanns í félaginu. Meira »

Frekar verkfall en 4% launahækkun

10:26 „Það er alveg ljóst að í þeim kjaraviðræðum sem fram undan eru mun íslenskt verkafólk fremur velja harða kjarabaráttu og jafnvel vinnustöðvanir en að þiggja að hámarki 4% launahækkun í þriggja ára samningi,“ segir í tilkynningu frá Framsýn, stéttarfélagi Þingeyinga. Meira »

Innbrot enn til rannsóknar

10:24 Lögreglan á höfuðborgarsvæðinu er enn með til rannsóknar fjölmörg innbrot í bifreiðar að undanförnu. Að sögn Guðmundar Páls Jónssonar lögreglufulltrúa hafa nokkrir einstaklingar verið handteknir í tengslum við rannsóknina og þeir yfirheyrðir en sleppt að því loknu. Meira »

Bótamál Ástu Kristínar til Hæstaréttar

10:21 Hæstiréttur hefur fallist á málskotsbeiðni Ástu Kristínar Andrésdóttur hjúkrunarfræðings í máli hennar gegn íslenska ríkinu. Ásta Kristín var sýknuð af ákæru um manndráp af gáleysi og krafðist þess að ríkinu yrði gert að greiða henni fjórar milljónir í skaðabætur vegna málsins. Meira »

Nýr yfirlæknir krabbameinsdeildar

10:15 Agnes Smáradóttir hefur verið ráðin yfirlæknir lyflækninga krabbameina á lyflækningasviði Landspítala frá 1. desember 2018 til næstu 5 ára. Meira »

Ók af ásetningi á aðra bifreið

10:06 Héraðssaksóknari hefur ákært karlmann um tvítugt fyrir sérstaklega hættulega líkamsárás og hættu- og umferðarlagabrot 24. febrúar á þessu ári. Í fyrri ákæruliðnum kemur að hann hafi ekið bifreið af ásetningi á aðra bifreið á Hafnarfjarðarvegi með þeim afleiðingum að hún skall á vegrið og valt. Meira »

Metár í byggingu nýrra íbúða í borginni

10:06 Gefin hafa verið út byggingarleyfi fyrir 1.344 íbúðir í borginni á fyrstu tíu mánuðum ársins og er árið orðið metár í byggingu nýrra íbúða í Reykjavík. Þetta er meðal þess sem fram kom á opnu málþingi borgarstjóra um uppbyggingu íbúðarhúsnæðis í Reykjavík sem stendur yfir í Ráðhúsi Reykjavíkur. Meira »

55,7 milljarðar í rannsóknir og þróunarstarf

09:03 Heildarútgjöld til rannsókna og þróunarstarfs á árinu 2017 voru 55,7 milljarðar króna en það jafngildir 2,13% af vergri landsframleiðslu. Meira »

Uppbygging íbúðarhúsnæðis í beinni

08:51 Borgarstjórinn í Reykjavík, Dagur B. Eggertsson, býður til opins kynningarfundar í ráðhúsinu í dag um uppbyggingu íbúðarhúsnæðis í Reykjavík. Hægt er að fylgjast með fundinum í beinni útsendingu á mbl.is. Meira »

Fallegt bréf frá Elizu til Guðna

08:42 Eliza Reid forsetafrú birtir á Facebook í dag fallegt bréf sem hún skrifaði til Guðna Th. Jóhannessonar, forseta Íslands, á íslensku árið 1999. Þarna hafði hún nýlega kynnst Guðna og vildi heilla hann með málsnilld sinni. Eliza óskar Íslendingum til hamingju með daginn, Dag íslenskrar tungu. Meira »

Þúsundir taka þátt í áfallarannsókn

07:57 „Þessar fyrstu niðurstöður koma okkur verulega á óvart og fjöldi þeirra sem segjast hafa orðið fyrir þessu ofbeldi er meiri hér en í erlendum rannsóknum,“ segir Arna Hauksdóttir, prófessor við læknadeild Háskóla Íslands, í Morgunblaðinu, um fyrstu niðurstöður rannsóknarverkefnisins Áfallasaga kvenna. Meira »

Styttist í sviðslistafrumvarpið

07:37 Lilja Dögg Alfreðsdóttir, mennta- og menningarmálaráðherra, vonast til að geta lagt frumvarp til laga um sviðslistir fram í desember eða janúar næstkomandi. Það ræðst af því hvernig gengur að ljúka vinnu við frumvarpið. Meira »