Vilja stöðva frumvarp Silju
Setja bókamerki
Trúarleiðtogar gyðinga í Evrópu eru ósáttir við lagafrumvarp Silju Daggar Gunnarsdóttur, þingmanns Framsóknarflokksins, og átta annarra þingmanna um að umskurður barna almennt verði bannaður með lögum að viðlagðri fangelsisrefsingu í stað þess að slíkt bann nái aðeins til stúlkna eins og nú er raunin.
Trúarleiðtogarnir gyðinga í Noregi og Danmörku, þeir Yair og Yoav Melchior, hafa verið í forsvari þeirra sem gagnrýna frumvarpið en hliðstætt frumvarp er til skoðunar til að mynda í Danmörku. Segja þeir að gyðingar og múslimar séu tiltölulega fáir á Íslandi og fyrir vikið sé eina leiðin að beita alþjóðlegum þrýstingi til þess að stöðva frumvarpið.
Hvetja þeir gyðingasamfélög í Evrópu og um allan heim til þess að setja sig í samband við þá Íslendinga sem þeir þekki og koma mótmælum á framfæri. Evrópuráð rabbína (e. European Conference of Rabbis) hefur einnig lýst áhyggjum af málinu.
Ráðið segir umskurð drengja hluta af lífi gyðinga og ekkert vald á jörðu geti bannað þeim að framfylgja því bororði. Verði frumvarpið samþykkt geti það sett hættulegt fordæmi fyrir önnur ríki. Skorar ráðið á íslenska þingmenn að stöðva frumvarpið.
Bifreið ekið á skrifstofu Útlendingastofnunar
Verðbólgan komin niður í 6%
Tóku upp hanskann fyrir leikskólabörn
Mest spennandi kosningar í áratugi
Handtekin eftir að tvö börn fundust látin
Áköf mótmæli í bandarískum háskólum
„Okkur miðar í rétta átt“
Hönnun sem bætir líf manna