Lögreglan hefur óskað eftir áframhaldandi gæsluvarðhaldi yfir karlmanni sem var handtekinn í síðust viku við komuna til landsins á grundvelli almannahagsmuna. Hann er í haldi vegna rannsóknar á innflutningi fíkniefna í sendingu sem merkt var Skáksambandi Íslands.
Gæsluvarðhald yfir manninum rennur út í dag en hann hefur verið í haldi í tæpar tvær vikur. Héraðsdómur kveður upp dóm um gæsluvarðhaldið seinna í dag. Gæsluvarðhald á grundvelli almannahagsmuna er fjórar vikur.
„Rannsóknin gengur þokkalega,“ segir Margeir Sveinsson aðstoðaryfirlögregluþjónn lögreglunnar á höfuðborgarsvæðinu. Hann vildi ekki gefa nánar upp um í hverju yfirheyrslurnar felast það er að segja hvort þær tengjast mögulega fíkniefnainnflutningi frá Spáni.
Ekki er ólíklegt að fleiri verða yfirheyrðir vegna málsins þar sem málið er í rannsókn. Þrír eru í haldi lögreglu í tengslum við þetta mál, að sögn Margeirs.