Skoða dóma vegna myglu í fasteignum
Setja bókamerki
„Eftirsóknin eftir þessu námskeiði sýnir að það er mikill áhugi fyrir þessu. Þessi mál eru í umræðunni og menn eru mikið að spá í þau,“ segir Hildur Ýr Viðarsdóttir hæstaréttarlögmaður sem kennir námskeið um myglu í fasteignum hjá Lögmannafélagi Íslands.
Félagið heldur tvö námskeið um myglu í fasteignum. Hið fyrra hefst klukkan 16 í dag og hið síðara verður 1. mars en því námskeiði var bætt við vegna mikillar eftirspurnar.
Hildur Ýr hefur einnig verið fengin til að kenna samskonar námskeið hjá Félagi fasteignasala. Það verður haldið í apríl.
Fjölgun dómsmála
Fram kemur á vefsíðu félagsins að dómsmálum vegna myglu í fasteignum hafi fjölgað síðustu misseri.
Á námskeiðunum verður farið yfir nýlega dóma vegna myglu í fasteignum og álitaefni þeirra krufin.
Þar verður velt upp hvað þarf að hafa í huga við rekstur slíkra mála, meðal annars um þær sönnunarkröfur sem dómstólar hafa gert, hvernig matsspurningar til dómkvaddra matsmanna gætu litið út og hvað þarf að passa í stefnugerð þegar slík mál eru sótt, að því er kemur fram á vefsíðunni.
Vilja læra af dómum
Grétar Jónasson, framkvæmdastjóri Félags fasteignasala, segir félagið einu sinni áður hafa haldið námskeið um myglu.
„Það er mjög mikilvægt fyrir fasteignasala að læra hvar helstu varúðarmerkinu eru hvað varðar myglu og annað. Við viljum gjarnan reyna að læra af þeim dómum sem hafa fallið á undanfönum misserum. Þetta er ákaflega mikilvægt efni sem fasteignasalar þekkja vel. Svona mál eru því miður alltaf að koma upp öðru hvoru hjá okkur,“ segir Grétar.
„Það þarf að vinna mikinn fjölda upp“
Handteknir eftir myndatöku í Vesturbæjarlaug
Skiptir miklu meira máli en fólk grunar
Skemmtiferðaskip hætt komið nærri Viðey
Árshátíð ríkislögreglustjóra haldin í Tékklandi
Tveir í bílnum sem lenti utan vegar
Veiting hvalveiðileyfis ekki brot á EES-samningi
Kostnaður meiri en milljón á fermetra