„Þetta yrðu talsverð tíðindi“
Setja bókamerki
Klofningur er meðal sjálfstæðismanna í Vestmannaeyjum og stefna óánægðir sjálfstæðismenn að því að bjóða fram sérlista í komandi bæjarstjórnarkosningum. Hins vegar hefur ekki verið tekin endanleg ákvörðun um slíkt.
„Þetta yrðu talsverð tíðindi því þetta er flokkur sem var með yfirgnæfandi meirihluta í síðustu kosningum eða yfir 70% atkvæða,” segir Grétar Þór Eyþórsson, prófessor í stjórnmálafræði við Háskólann á Akureyri. Hann tekur fram að ekki hefur verið tekin endanleg ákvörðun og því gæti málið náð að leysast innan flokksins.
Átökin innan flokksins snúast um hvernig valið er á framboðslista. Óánægja er með að ekki fari fram prófkjör en kosið var um þá tillögu og hún felld. „Það hefur alveg gerst á sveitarstjórnarstiginu að fólk hafi tekist á um það,“ segir Grétar.
Í síðustu sveitarstjórnarkosningum var klofningsframboð úr Sjálfstæðisflokki í Reykjanesbæ árið 2014. Fyrir kosningar var Sjálfstæðisflokkurinn í meirihluta en eftir kosningar féll meirihlutinn og nýr var myndaður.
Frétt mbl.is: Nýr meirihluti í Reykjanesbæ
Ofsóttur innan veggja Boeing
Kveðst tala af virðingu: „Ég er enginn dóni“
„Það er skiljanlegt að þolinmæði þeirra sé lítil“
Innviðir þandir og álagið „gríðarlegt“
Markaðurinn hitnar og leiguverð hækkar hratt
Fjárfestingin 115 milljarðar króna