Fulltrúi frá utanríkisráðuneytinu er kominn til Spánar þar sem hann ætlar að kynna sér mál Sunnu Elviru Þorkelsdóttur, sem slasaðist á mænu við fall í borginni Malaga.

„Það er betra að senda einhvern þarna suður eftir. Við viljum vera fullviss um að við séum að gera allt sem hægt er,“ segir Urður Gunnarsdóttir, upplýsingafulltrúi utanríkisráðuneytisins, og bætir við að ráðuneytið hafa unnið í máli Sunnu hvern einasta dag síðan það kom upp í janúar.

Hún tekur fram að ráðuneytið geti ekki haft afskipti af starfi spænskra stjórnvalda. „Við erum ekki að rannsaka þetta mál. Okkar aðkoma er sú að aðstoða hana og reyna að sjá til þess að þessi dvöl verði sem bærilegust,“ segir Urður.

Páll Kristjánsson, lögmaður Sunnu, segir að mál hennar sé enn í biðstöðu. Hún sé enn í ótímabundnu farbanni og henni hafi ekki verið hleypt á annan spítala.

„Það er það sem við höfum gert mestar athugasemdir við, að henni sé haldið í þessari lágmarksþjónustu,“ segir Páll.

Utanríkisráðuneytið við Rauðarárstíg. mbl.is/Kristinn Ingvarsson

Tengdar fréttir

Hlaut mænuskaða á Malaga

Lögreglan tekur yfir mál Sunnu

• Fá forræði yfir máli Sunnu Elviru
• Himinlifandi að vera loksins komin heim
• Sunna Elvira komin til Íslands
• Sunna hefur endurheimt vegabréfið

» Fleiri tengdar fréttir

• Blogga um frétt