Atburðarásin í stuðningsfulltrúamálinu

Sigríður Björk Guðjónsdóttir lögreglustjóri og Karl Steinar Valsson yfirlögregluþjónn á ...
Sigríður Björk Guðjónsdóttir lögreglustjóri og Karl Steinar Valsson yfirlögregluþjónn á blaðamannafundinum í gær. mbl.is/Eggert

Í lok janúar var greint frá því í fjölmiðlum að stuðningsfulltrúi sem starfaði á heimili Barnaverndar Reykjavíkur hefði verið handtekinn grunaður um gróf kynferðisbrot gegn dreng þegar hann var 8 til 14 ára gamall. Maðurinn er á fimmtugsaldri og hefur setið í gæsluvarðhaldi frá 18. janúar þegar hann var handtekinn.

Fljótlega kom í ljós að mikil töf hafði orðið á málinu í meðförum lögreglunnar og hóf lögreglan, undir forystu Karls Steinars Valssonar yfirlögregluþjóns, innri skoðun á ferli og rannsókn málsins. Var niðurstaðan kynnt á blaðamannafundi í gær og skýrslan jafnframt birt.

Í skýrslunni er verklag lögreglunnar gagnrýnt, meðal annars að við frumgreiningu hafi ekki verið athugað strax með starfsvettvang mannsins í ljósi þeirra ásakana sem komi fram í kærunni. Er aðkoma stjórnenda sögð hafa verið ómarkviss, verkskipting óljós og aðhald um framvindu málsins ekki viðunandi.

Tímalína málsins, af hálfu lögreglunnar, er sett fram í skýrslunni, en hér að neðan má finna þá tímalínu auk þeirra upplýsinga sem hafa komið fram í fjölmiðlum undanfarið.

2002: Haft var eftir lögmanni drengsins í fréttum RÚV að hann viti til þess að Barnavernd Reykjavíkur hafi fyrst verið tilkynnt um möguleg brot mannsins á þessu tímabili. Barnavernd kannast hins vegar ekki við tilkynninguna og ekki hafa komið fram frekari staðfestingar á slíkri tilkynningu. 

2004-2010: Meint brot gegn drengnum eiga sér stað. Drengurinn dvaldi reglulega á heimili á vegum Félagsþjónustunnar í Reykjavík sem maðurinn hafði umsjón með. Að jafnaði dvöldu þar nokk­ur börn í senn en maður­inn hafði bú­setu á heim­il­inu. Tvö systkini drengs­ins dvöldu einnig um tíma á heim­il­inu og er hann tal­inn hafa brotið gegn þeim líka. 

2008: Samkvæmt heimildum mbl.is var maðurinn tilkynntur til Barnaverndar Reykjavíkur og Félagsþjónustunnar. Ekkert er til á skrá hjá Barnavernd um málið, en komið hefur fram að bæði Barnavernd og velferðarsvið borgarinnar telji um mistök sín megin að ræða og véfengja ekki að tilkynning hafi borist.

Brot mannsins eru sögð ná yfir 6 ára tímabil þegar ...
Brot mannsins eru sögð ná yfir 6 ára tímabil þegar drengurinn var 8-14 ára gamall. mbl.is/Hari

2013: Kæra barst lögreglunni vegna mannsins fyr­ir kyn­ferðis­lega áreitni gagn­vart barni. Kærð brot áttu sér stað upp úr alda­mót­um, á ár­un­um 2000 til 2006, var málið því talið fyrnt þegar kær­an barst og fellt niður. Lögreglan staðfestir að hafa fengið þessa kæru, en Barnavernd var ekki gerð grein fyrir henni.

2015: Drengurinn ætlaði að kæra manninn, en þá var hann orðinn 19 ára. Fór hann ásamt móður sinni niður að lögreglustöð en hætti við og vildi vinna betur í sjálfum sér. Móðirin fór hins vegar inn á lögreglustöðina og ræddi við lögreglumennina. Segist hafa gefið upp nafn mannsins og sagt að hann starfaði með börnum. 

Sumar 2017: Drengurinn leitar til lögmanns vegna málsins.

24. ágúst 2017: Lögmaður drengsins leggur fram kæru í málinu. Tekið er fram í kærunni að kæranda sé kunnugt um að maðurinn hafi starfað fyrir barnaverndaryfirvöld og meðal annars rekið heimili fyrir börn. Málið er skráð í LÖKE-kerfi lögreglunnar og skráð á kynferðisbrotadeildina. Málið skráist sjálfkrafa á yfirmann deildarinnar, en lögreglufulltrúi skráir það stuttu síðar á sig. Maðurinn sem er kærður starfar á þessum tíma á skammtímaheimili fyrir unglinga í Breiðholti og starfar þar áfram í tæplega fimm mánuði þangað til hann er handtekinn.

7. september 2017: Málið skráð í ferilinn „Í rannsókn“ og á tiltekinn rannsóknarlögreglumann. Samhliða því þarf að skrá löglærðan fulltrúa á ákærusviði með málið sem var og gert. Löglærði fulltrúinn var aftur á móti byrjaður í launalausu leyfi frá embættinu þann 1. september.

Október/nóvember: Lögmaður drengsins segir að fulltrúi sinn hafi hringt í lögregluna og ítrekað málið. Segir hann að svörin þá hafi verið að ekki hafi verið búið að úthluta málinu. 

1. desember 2017: Fulltrúi lögmannsins sendir tölvupóst á lögreglumann, sem átti að vera með málið, þar sem spurt er um gang málsins. Honum er ekki svarað.

5. desember 2017: Viðbótargögn send til sama lögreglumanns og áður. Er lögreglumaðurinn spurður hvort hann hafi fengið viðbótargögnin. Ekkert svar berst.

6. desember 2017: Lögreglumaðurinn, sem hafði verið fjarverandi vegna veikinda, sendir póstana áfram á staðgengil sinn.

21. desember 2017: Drengurinn mætir til skýrslutöku hjá lögreglu ásamt réttargæslumanni. Þeim hafði verið boðinn tími í skýrslutöku viku fyrr en það hafði ekki hentað. Lögmaður drengsins spyr við skýrslutökuna hvort ekki sé grundvöllur til að fara í húsleit hjá manninum ef það virðist vera eitthvað mikið í gangi á heimilinu.

17. janúar 2018: Málið rætt á vikulegum fundi deildarinnar þar sem kynna á öll ný mál sem koma inn á borð hennar.

Karl Steinar Valsson yfirlögregluþjónn tekur við stjórn kynferðisbrotadeildarinnar.
Karl Steinar Valsson yfirlögregluþjónn tekur við stjórn kynferðisbrotadeildarinnar. mbl.is/Eggert

17. janúar 2018: Rannsóknarlögreglumaður málsins lætur lögreglufulltrúa deildarinnar kanna hvort maðurinn hafi verið með börn á vegum Barnaverndar eða verið starfsmaður hennar á árunum 2004-10. Einnig óskar hann upplýsinga um hvort þrír aðrir drengir hafi búið hjá manninum á sama tímabili. Sama dag sendir fulltrúinn tölvupóst á Barnavernd Reykjavíkur og spyrst fyrir um manninn. Nafn mannsins er tilgreint og að hann sé grunaður um að hafa framið kynferðisbrot.

Barnavernd svarar póstinum fjórum mínútum síðar og segir að málið verði kannað. Öðrum fjórum mínútum seinna spyr Barnavernd á hvaða lagagrundvelli beiðnin sé sett fram. Lögreglufulltrúinn svarar því 11 mínútum síðar og síðar um daginn svarar Barnavernd því að maðurinn sé á kvöldvakt næstu daga og að brýnt sé að víkja honum frá störfum á meðan á rannsókn standi.

18. janúar 2018: Yfirlögregluþjóni er kynnt málið strax um morguninn og einni og hálfri klukkustund síðar er maðurinn handtekinn. Síðdegis þennan dag er haldinn fundur með Barnavernd og lögreglustjóra kynnt málið.

29. janúar 2018: Sagt er frá málinu í kvöldfréttum Stöðvar 2. Fram kemur að Barnavernd Reykjavíkur ætli að senda póst á 400 manns sem höfðu dvalið á vistheimilum þar sem maðurinn starfaði. Er fólkinu boðið í viðtal í Bjarkarhlíð, miðstöð fyrir þolendur ofbeldis. Síðar er sú tala sögð vera 257 einstaklingar.

30. janúar 2018: Lögmaður drengsins segist hafa margítrekað kæruna og að í kærunni kæmi fram að maðurinn ynni með börnum í dag. 

30. janúar 2018: Lögreglustjóri segist ekki kannast við ítrekanir lögmanns drengsins.

Sigríður Björk Guðjónsson, lögreglustjóri á höfuðborgarsvæðinu.
Sigríður Björk Guðjónsson, lögreglustjóri á höfuðborgarsvæðinu. Eggert Jóhannesson

30. janúar 2018: Lögmaður drengsins segist vita um 10 einstaklinga sem hafi orðið fyrir ofbeldi af hálfu sama manns. 

30. janúar 2018: Yfirmaður kynferðisbrotadeildar segir að lögreglan hafi ekki haft upplýsingar um að maðurinn starfaði með börnum. Slíkt kom hins vegar fram í kæru málsins, eins og skýrsla Karls Steinars bendir á.

1. febrúar 2018: Lögreglan segir að rannsókn standi yfir vegna kynferðisbrota gegn sjö manns.

9. febrúar 2018: Lögreglan segir að til rannsóknar séu nú kynferðisbrot gegn að minnsta kosti níu börnum. 

12. febrúar 2018: Lögreglan heldur blaðamannafund og tilkynnir um niðurstöður innri athugunar á ferli málsins. Þar er meðal annars gagnrýnt að við frumgreiningu hafi ekki strax verið athugað með starfsvettvang mannsins.

Sig­ríður Björk Guðjóns­dótt­ir, lög­reglu­stjóri á höfuðborg­ar­svæðinu, segir á blaðamannafundinum að mis­tök lög­reglu liggi ekki í því að rann­sókn máls­ins hafi haf­ist of seint held­ur að barna­vernd­ar­yf­ir­völd­um hafi ekki verið til­kynnt þegar hún hófst. Enginn starfsmaður embættisins mun sæta ábyrgð vegna mistakanna og tafanna, en Sigríður segir að stefnt sé að því að gera um­fangs­mikl­ar skipu­lags­breyt­ing­ar, meðal ann­ars með því að styrkja yf­ir­menn sam­hliða fyr­ir­hugaðri fjölg­un starf­manna frá 1. apríl.

Sem fyrr segir kemur fram gagnrýni í skýrslunni á verklag innan deildarinnar og stjórnun og eftirfylgni málsins. Í skýrslunni segir að verklag við rannsókn kynferðisbrota hafi verið á þann veg að yfirmaður deildarinnar tók við öllum málum sem bárust deildinni, skráði þau og las yfir, tilkynnti til barnaverndarnefndar ef tilefni þótti til og afhenti svo lögreglufulltrúa til frekari úrvinnslu. Þá átti að gera ákærusviði umsvifalaust viðvart þegar kæmu inn mál frá barnaverndaryfirvöldum (sem ekki var staðan í þessu máli). Þá var tilkynnt í upphafi árs 2017, þegar farið var í sértækar aðgerðir innan lögreglunnar varðandi kynferðisbrot, að öll ný mál sem kæmu inn ætti að kynna á vikulegum fundum deildarinnar á miðvikudögum.

Þrátt fyrir þetta og að málið hafi verið kært upphaflega í ágúst 2017 var það aldrei tekið fyrir á þessum vikulegu fundum deildarinnar fyrr en 17. Janúar, tæplega fimm mánuðum eftir að kæran var lögð fram. Var maðurinn svo handtekinn strax næsta dag.

mbl.is

Innlent »

Bátur á reki úti fyrir Austurlandi

16:55 Um klukkan eitt í dag var óskað eftir aðstoð björgunarskips á Austurlandi vegna báts sem var á reki níu sjómílum suður af Stokksnesi. Báturinn var við veiðar þegar hann misst samband við stýrið og rak því stjórnlaust frá landi. Meira »

Betri undirbúningur hefði sparað vinnu og fé

16:40 Alls nam kostnaður vegna flutnings Fiskistofu til Akureyrar árið 2016 tæplega 180 milljónum króna. Stærstu einstöku liðirnir eru vegna starfslokakostnaðar upp á 45 milljónir og flugkostnaður innanlands, dagpeningar og annar ferða- og dvalarkostnaður nam samtals um 42 milljónum. Meira »

Selmu Björns boðið að skemmta í Ísrael

16:22 Selmu Björnsdóttur söngkonu var boðið að koma og syngja á skemmtun í Ísrael í Eurovision-vikunni í maí. Skemmtunin fer ekki fram á vegum sjálfrar hátíðarinnar heldur einkaaðila. Meira »

Ekki fylgst með kílómetrafjöldanum

16:05 Engar sérstakar athugasemdir eru gerðar við það í skoðunarferli bíla hér á landi, þó að kílómetrastaða bílsins sé röng. Bíla, sem t.d. er búið að skipta um mælaborð í, er hægt að nota áfram sem bílaleigubíla, án þess að nokkrar athugasemdir séu við það gerðar af hálfu eftirlitsaðila. Meira »

Jóns leitað logandi ljósi í Dyflinni

15:10 Leit heldur áfram að Jóni Þresti Jónssyni, Íslendingi er hvarf í Dyflinnarborg fyrir viku. Fjölskylda hans er nú stödd þar eystra og leitar hans ásamt lögreglunni þar. Meira »

Höfðu beðið og leitað

13:49 Ævilangri leit Gunnars Smith að föður sínum lauk á síðasta ári en eftir að hafa reynt allt í leitinni kom sonur hans, Hlynur Smith, honum á sporið. Meira »

Lesendur „ekki bara einhverjir túristar“

13:10 The Reykjavík Grapevine og Iceland Review, íslenskir fjölmiðlar sem skrifa á ensku, gera alvarlegar athugasemdir við ákvæði í frumvarpi að lögum um styrki til fjölmiðla, um að efnið verði að vera á íslensku. Meira »

Stefán spyr um afdrif Hrekkjusvínanna

11:11 Stefán Andrésson, sonur Þorbjargar Pálsdóttur myndhöggvara, auglýsir nú eftir afdrifum eins verka móður sinnar. Verkið sem um ræðir er Hrekkjusvín og var á útilistasýningu á Skólavörðuholtinu 1972. Eftir það fór verkið til Neskaupstaðar og Vestmannaeyja, en síðan hefur ekkert til þess spurst. Meira »

Úlfur úlfur

10:24 Það kemur að því að þú áttar þig á því að fréttin: „Svona getur þú unnið milljónir í lottóinu“ mun líklega ekki skila neinum peningum. Og það eru takmörk fyrir því hvað er hægt að gera margar fréttir um fólk sem trúði ekki sínum eigin augum. Meira »

Höfðu afskipti af „virki“ í flugstöðinni

09:54 Flugvallarstarfsmenn á Keflavíkurflugvelli óskuðu nýverið eftir aðstoð lögreglunnar á Suðurnesjum vegna flugfarþega sem höfðu hreiðrað um sig hjá söluskrifstofu Icelandair í flugstöðinni. Í tilkynningu frá lögreglunni segir að öryggisgæslan á flugvellinum hafi reynt að koma þeim á æskilegri stað, en þau brugðist illa við þeim umleitunum. Meira »

Stefnir í góðan dag í brekkunum

09:54 Helstu skíðasvæði landsins opna núna klukkan tíu í dag og eru opin frameftir degi. Bláfjöll, Skálafell og Hlíðarfjall tala öll á vefsíðum sínum um smá frost en hér um bil logn víðast. Meira »

Sex skip voru við loðnuleit

09:30 Tvö norsk veiðiskip hafa bæst í hóp skipa sem leita loðnu við landið og í gær voru sex skip við loðnuleit. Langt er síðan slíkur fjöldi skipa hefur tekið þátt í verkefni sem þessu ef þá nokkurn tímann. Meira »

Grænmetismarkaðurinn jafnar sig

08:18 „Mér sýnist markaðurinn vera heldur að jafna sig á Costco-áhrifunum. Ég upplifi það líka sem viðskiptavinur að hægt er að fá körfu þótt komið sé þangað á föstudegi,“ segir Gunnar Þorgeirsson, formaður Sambands garðyrkjubænda, um þróunina í sölu á grænmeti og berjum. Meira »

Auka verður framlög til viðhalds og vegagerðar

07:57 Samtök ferðaþjónustunnar (SAF) hafa áhyggjur af tíðum umferðarslysum á þjóðvegunum, að sögn Jóhannesar Þórs Skúlasonar, framkvæmdastjóra SAF. Hann benti á að auknum fjölda erlendra ferðamanna hefði fylgt fjölgun slysa. Meira »

Erlendir svikahrappar í símanum

07:37 Heimilisfólk á Dvalarheimilinu Jaðri í Ólafsvík hefur orðið fyrir ónæði vegna hringinga í heimilissíma, þar sem hringjendur tala ensku, segjast vera frá tölvufyrirtæki og vilja laga tölvur viðkomandi með aðstoð eigendanna. Meira »

Réðst á gesti og starfsfólk

07:22 Lögreglan á höfuðborgarsvæðinu hafði afskipti af ölvaðri konu við veitingahús í miðborginni á fjórða tímanum í nótt. Konan er grunuð um að hafa ráðist á gesti og starfsfólk veitingahússins. Konan neitaði aðspurð að gefa lögreglu nafn sitt eða kennitölu og var hún vistuð fyrir rannsókn máls í fangageymslu lögreglu. Meira »

Handtekinn eftir umferðarslys

07:14 Á þriðja tímanum í nótt var lögreglan kölluð til vegna umferðarslyss á Bústaðarvegi við Sprengisand, en þar höfðu tveir bílar skollið saman. Annar ökumaðurinn var handtekinn grunaðar um ölvun við akstur og að hafa ekið án réttinda. Meira »

Rukkun fyrir ferð sem aldrei var farin

05:30 „Ég var frekar undrandi að sjá þetta og kannaðist ekki við að hafa verið þarna á ferðinni, eða bílar á mínum vegum,“ segir Anders Hansen á Leirubakka í Landsveit á Suðurlandi, sem rak augun í rukkun frá Vaðlaheiðargöngum í vikunni, þegar hann opnaði heimabanka sinn í tölvunni. Meira »

Venjuleg jarðarför kostar yfir milljón

05:30 Áætla má að kostnaður við útfarir sé nokkuð á þriðja milljarð króna á ári. Þórólfur Sveinsson, búfræðikandidat á Ferjubakka í Borgarfirði, segir að ef kostnaður við „venjulega“ útför sé orðinn yfir milljón skipti hann verulegu máli fyrir talsverðan hóp fólks. Meira »
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...
Bókalind - antikbókabúð
Höfum á boðstólnum fjölbreytta flóru af bókum. Við erum með t.d. orðabækur, matr...
INTENSIVE ICELANDIC, ENGLISH, NORWEGIAN & DANISH f. foreigners - ÍSLENSKA f.útl - ENSKA - NORSKA
ÍSLENSKA, ENSKA, NORSKA, DANSKA: I, II, III, IV, V, VI: starting dates 2019: ...
Byggingastjórn - Húsasmíðameistari - Eignaskiptayfirlýsingar
Byggingastjórn - Húsasmíðameistari - Eignaskiptayfirlýsingar - Leigusamningar T...