Ekki gert ráð fyrir hundunum

Freyja Kristinsdóttir og Boston terrier tíkin Dimmalimm. Freyja segir skorta ...
Freyja Kristinsdóttir og Boston terrier tíkin Dimmalimm. Freyja segir skorta á að gert sé ráð fyrir hundaeigendum í borgarskipulagi. Ljósmynd/Aðsend

Lausagöngusvæði fyrir hunda hér á landi eru færri, minni og lélegri en erlendis og hvergi er raunar gert ráð fyrir hundaeigendum í skipulagi borgarlandsins. Þetta segir Freyja Kristinsdóttir, dýralæknir og stjórnarmaður Félagi ábyrgra hundaeigenda  (FÁH).

Freyja hélt erindi um hundaborgina Reykjavík og hvar borgarbúar stæðu í samanburði við borgir í nágrannalöndunum á málþingi FÁH um helgina, en hún hefur haldið hund í bæði Danmörku og Bretlandi og þekkir því vel til.

„Það er í raun aldrei gert ráð fyrir neinum hundasvæðum í skiplagi borgarlandsins. Þannig að þegar það er verið að skipuleggja ný hverfi og teiknaðir eru inn leikvellir og annað slíkt, þá er aldrei gert ráð fyrir að neinir hundaeigendur eigi að búa þar,“ segir Freyja.

Viðhorfið virðist vera að hundagerði eða hundasvæði megi aldrei vera nálægt íbúðabyggð. „Það þekkist hins vegar víða erlendis; í Bandaríkjunum, Bretlandi, Danmörku og öðrum nágrannalöndum okkar að hafa hundagerði nálægt íbúðabyggð,“ bætir hún við og kveður vel mega hanna hundagerði þannig að þau sómi sér vel í almenningsgörðum.

„Fólk á að geta gengið frá heimili sínu og í næsta hundagerði, þannig að þau ættu í raun að vera í öllum hverfum borgarinnar.“ Það sé hins vegar ekki raunin og nú séu hundaeigendur að fara að missa Geirsnefið sem hundasvæði. „Það er verið að endurskipuleggja það núna og þá er ekki gert ráð fyrir að þar verði hundasvæði áfram.“ Það sé því verið að þrengja að hundaeigendum.

Leyfisgjöldin tíðkast ekki annars staðar

Freyja segir hundaleyfisgjöldin líka skera Íslendinga frá öðrum þjóðum. „Þau tíðkast ekki annars staðar,“ segir hún. Alls nemi hundaleyfisgjöldin 35 milljónum á ári hjá Reykjavíkurborg og 70 milljónum þegar horft er til allra sveitarfélaga á höfuðborgarsvæðinu. Ekkert af því fé fari hins vegar í að byggja upp hundasvæði, eða til að bæta hundahald með öðrum hætti.

Féð sé hins vegar að stærstum hlut notað í launakostnað tveggja hundaeftirlitsmanna í fullu starfi, starf ritara hundaeftirlits í fullu starfi, „sem ég raunar veit ekki hver er,“ bætir Freyja við „og svo erum við að borga fyrir þriðjung af launum framkvæmdastjóra Heilbrigðiseftirlits Reykjavíkur“. Sú greiðsla sé hins vegar ekki í samræmi við hlutfall hundaeftirlitsins af starfsemi stofnunarinnar.  

Hundur með eiganda sínum. Mynd úr safni. Freyja segir ákveðna ...
Hundur með eiganda sínum. Mynd úr safni. Freyja segir ákveðna fordóma í garð hunda áberandi hér á landi, þó mikið hafi breyst á undanförnum árum. AFP

Lausagönguhundum sem tilkynntir eru til hundaeftirlitsins hefur hins vegar fækkað gríðarlega, þó að hundum sé að fjölga. Árið 2010 var hundaeftirlitið að fanga 210 hunda á einu ári,  en árið 2016 voru þeir komnir niður í 62. „Ástæðan er sú að Hundasamfélagið var stofnað á Facebook og í gegnum þann hóp eru týndu hundarnir að komast aftur til síns heima,“ segir Freyja. 521 týndur hundur hefur verið auglýstur á Hundasamfélaginu það ár. „Þannig að hópurinn er smátt og smátt að taka yfir hlutverk hundaeftirlitsmanna.“

Engin stefna í hundamálum 

Skylduskráning hunda hjá sveitarfélögum hér á landi er líka ákveðin tímaskekkja að mati Freyju. „Nú eru komin dýraauðkenni sem er skylda að skrá í örmerkjagagnagrunn og það er tímaskekkja að vera með þessa tvískráningu,“ segir hún. Óþarfi sé að skrá dýrið bæði hjá borginni og í örmerkjagagnagrunninn. „Í nágrannalöndum okkar er bara verið að notast við örmerkjagagnagrunninn,“ útskýrir hún og bætir við að í London hafi skráning hjá sveitarfélaginu verið lögð niður þegar örmerkjagagnagrunnurinn var tekinn upp.

Viðhorf til hundahalds sé líka ólíkt hér á landi og í Danmörku og Bretlandi þar sem hún bjó. „Maður finnur alveg fyrir þekkingarleysi og hálfgerðum fordómum hér á Íslandi,“ segir Freyja. Þetta hafi þó breyst mikið á síðastliðnum 5-10 árum af því að hundaeign sé orðin svo algeng. Þetta er á leiðinni í rétta átt, en öll uppbygging í kringum hundahald fylgir ekki með.“ Tilraunaverkefni Strætó sé þó skref í rétta átt og sömuleiðis að leyfa hunda á kaffihúsum.

Hún segir skortinn á uppbyggingu raunar hafa komið fram á málþinginu hjá Sabine Leskopf, formanni heilbrigðisnefndar Reykjavíkur. „Hún viðurkenndi að Reykjavíkurborg væri ekki með neina stefnu í hundamálum.“ Það væri hins vegar nokkuð sem þau hjá FÁH vildu sjá breytast.

mbl.is

Innlent »

Í eigu erlendra félaga

05:30 Flugvélafloti WOW air samanstendur af 20 flugvélum sem flestar eru í eigu félaga sem sérhæfa sig í flugvélafjármögnun og útleigu. Meira »

Skuldir í borginni aukast

05:30 Kostnaður við þrjár skólabyggingar í Reykjavík er nú áætlaður alls um milljarði meiri en áður var talið. Meirihlutinn í borginni hefur samþykkt endurskoðaða fjárfestingaráætlun A-hluta borgarsjóðs árið 2018. Dagur B. Meira »

Kosið um skipulag á Selfossi í dag

05:30 Íbúakosningar verða á Selfossi í dag. Greidd verða atkvæði um breytingar á aðal- og deiliskipulagi miðbæjarins.   Meira »

Aldrei of seint að byrja að vera með

05:30 Pálína Bjarnadóttir, elsti þátttakandinn í Reykjavíkurmaraþoni Íslandsbanka sem fram fer í dag, skráði sig í þriggja kílómetra skemmtiskokk með fjölskyldu og vinum. Meira »

20 milljónir vegna umframafla

05:30 Álagning vegna umframafla strandveiðibáta í maí til júlíloka losar 20 milljónir króna sem renna í ríkissjóð.   Meira »

Öflug jarðvegssög flýtir fyrir lögnum

05:30 „Þetta er sög sem sagar ofan í jarðveg fyrir jarðstrengjum, rörum og lögnum,“ segir Hörður Gunnarsson, verkefnastjóri hjá Línuborun hf., en fyrirtækið var að festa kaup á 38 tonna jarðvegssög fyrir 120 milljónir króna. Meira »

Laugar ætla að stækka við Lágafell

05:30 Laugar ehf. hafa samið við Mosfellsbæ um að fá að reisa 900 fermetra viðbyggingu við Íþróttamiðstöðina Lágafell. Haraldur Sverrisson, bæjarstjóri í Mosfellsbæ, segir samninginn fela í sér góða viðbót við Íþróttamiðstöðina Lágafell, þar sem Laugar leigi nú aðstöðu fyrir líkamsræktarstöð sína. Meira »

Vannærðir kettlingar í pappakassa

Í gær, 23:25 Í dag kom dýravinur með læðu og fimm kettlinga hennar í Kattholt, en kettlingarnir höfðu fundist í pappakassa við ruslatunnur í Reykjanesbæ og læðan þar í grenndinni. Frá þessu er greint á vef Kattholts og brýnt fyrir kattaeigendum að sýna ábyrgð. Meira »

Sólin lætur víða sjá sig

Í gær, 22:55 Flestir landsmenn ættu að geta notið sólarinnar á morgun og vel virðist ætla að viðra til útiveru í miðborg Reykjavíkur, þar sem Menningarnótt fer fram og þúsundir hlaupara taka þátt í Reykjavíkumaraþoni. Meira »

Deilibílalausn fyrir ferðamenn á Íslandi

Í gær, 21:15 „Koride er leið fyrir ferðamenn til að tengjast á auðveldan hátt og sjá nákvæmlega hverjir vilja fara hvert. Þú getur á einfaldan hátt fundið ferðafélaga og gengið frá praktískum málum,“ segir Kristinn Evertsson, einn af stofnendum Koride, í samtali við mbl.is. Meira »

„Umtalsverðir annmarkar“ á kosningunum

Í gær, 20:35 Dómsmálaráðuneytið hefur hafnað kröfum þeirra Elíasar Svavars Kristinssonar og Ólafs Valssonar um að ráðuneytið felli úr gildi úrskurð kjörnefndar sýslumannsins á Vestfjörðum vegna sveitarstjórnarkosninganna í Árneshreppi og úrskurði sömuleiðis kosningarnar ógildar. Meira »

Íslenska módelið virkar

Í gær, 20:00 Þátttaka í skipulögðu íþrótta- og tómstundastarfi nær hámarki í 7.-8. bekk þegar um 80% ungmenna eru virk í hverri viku. Eftir það hefst brottfall af alvöru. Þetta er meðal þess sem fram kemur á fyrirlestri Margrétar Guðmundsdóttur félagsfræðings á alþjóðlegri ráðstefnu um jafnrétti í íþróttum. Meira »

Metanframleiðsla mun tvöfaldast

Í gær, 19:45 Fyrsta skóflustungan að nýrri gas- og jarðgerðarstöð SORPU var tekin í dag í Álfsnesi. Guðmundur Ingi Guðbrandsson umhverfisráðherra og sex fulltrúar sveitarfélaganna á höfuðborgarsvæðinu og eigenda SORPU tóku fyrstu stunguna. Meira »

Skaraði fram úr í tónleikaröð

Í gær, 19:30 Kristín Anna Guðmundsdóttir sópransöngkona varð þess heiðurs aðnjótandi að vera valin af tónleikagestum sá söngvari sem þótti skara mest fram úr á sjö tónleikum sem nýverið voru haldnir í Torgau í NV-Saxlandi í Þýskalandi. Meira »

Leitar sameiginlegra lausna

Í gær, 19:30 „Það að hafa aðgengi að 500 millj­ón manna markaði með sam­eig­in­leg­ar regl­ur og staðla fyr­ir inn- og út­flutn­ing er gríðarlega mik­il­vægt til þess að skapa sann­gjörn sam­keppn­is­skil­yrði,“ seg­ir Ine Marie Erik­sen Sørei­de, ut­an­rík­is­ráðherra Nor­egs. Meira »

Fiskidagsferðin varð til fjár

Í gær, 19:27 Vinningshafarnir heppnu, sem unnu fimmfaldan Lottópott um síðustu helgi eru búnir að gefa sig fram. Þau unnu 51,7 milljónir króna og voru stödd á Fiskideginum mikla á Dalvík er þau skutust á Akureyri og keyptu vinningsmiðann. Meira »

Segir ásakanirnar misbjóða sér

Í gær, 19:01 Þórður Georg Lárusson, fyrrverandi landsliðsþjálfari íslenska kvennalandsliðsins í knattspyrnu, hefur gefið út yfirlýsingu vegna fyrirlesturs Þóru Bjargar Helgadóttur, fyrrverandi landsliðskonu, sem hún hélt á ráðstefnu sem bar yfirskriftina „Kyn og Íþróttir,“ í Háskólanum í Reykjavík í gær. Meira »

Formaður hrifinn af furðubrögðum

Í gær, 18:57 Á milli þess sem Guðrún Hafsteinsdóttir starfar sem formaður Samtaka iðnaðarins og gegnir formennsku í stjórn Landssamtaka lífeyrissjóða, situr hún og smakkar til ís í raspi og kæstan síldarís svo fátt eitt sé nefnt. Meira »

Útilíkamsrækt í hreystigörðum

Í gær, 18:30 Fimm sveitarfélög hafa sett upp hreystigarða fyrir íbúa sína. Í görðunum, sem eru úti og ýmist kallaðir hreyfi- eða hreystigarðar, eru tæki til þol-, styrktar- og teygjuæfinga. Ókeypis er í tækin, sem ætluð eru fullorðnum. Meira »
Sumarhús- Gestahús- Breytingar
Sumarhús - Gestahús - Breytingar ? Framleiðum stórglæsileg sumarhús í ýmsum stær...
INTENSIVE ICELANDIC, ENGLISH & NORWEGIAN f. foreigners - ÍSLENSKA f.útl - ENSKA - NORSKA
ÍSLENSKA, ENSKA, NORSKA: I, II, III, IV, V, VI: START/BYRJA: 2018: SUMAR: 23/7...
STIGAR OG HANDRIÐ ALLAR MÖGULEGAR GERÐIR
Mælum, teiknum, smíðum og setjum upp, myndir á Facebook: Magnus Elias>Mex byggin...
INTENSIVE ICELANDIC,ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA: I, II, III, IV, V, VI: START/BYRJA: 2018: SUMAR: 23/7...