Katrín fékk fyrstu köku ársins
Setja bókamerki
Katrín Jakobsdóttir forsætisráðherra tók í morgun á móti fyrstu köku ársins 2018. Kakan sem fór með sigur úr bítum í árlegri keppni bakarameistara var að þessu sinni verk Sigurðar Más Guðjónssonar, bakarameistara og eiganda Bernhöftsbakarís.
Forsætisráðherra tók við kökunni frá formanni Landssambands bakarameistara, Jóhannesi Felixsyni, höfundi kökunnar, Sigurði Má Guðjónssyni, og framkvæmdastjóra Samtaka iðnaðarins, Sigurði Hannessyni, í Bernhöftsbakaríi í morgun.
Keppnin um köku ársins var að þessu sinni unnin í samstarfi við sælgætisgerðina Kólus og voru gerðar kröfur um að kakan innihéldi Sambó Þrist. Keppnin fer þannig fram að keppendur skila inn tilbúnum kökum sem dómarar meta og velja síðan úr þá sem þykir sameina þá kosti að vera bragðgóð, falleg og líkleg til að falla sem flestum í geð og hlýtur hún titilinn Kaka ársins.
Dómarar í keppninni voru Jóhanna Vigdís Arnardóttir frá Samtökum iðnaðarins, Gunnlaugur Örn Valsson, bakari og kökugerðarmaður, og Snorri Páll Jónsson, framkvæmdastjóri Kólus.
Sala á kökunni hefst í bakaríum félagsmanna LABAK um allt land fimmtudaginn 15. febrúar og verður til sölu það sem eftir er ársins.
/frimg/1/48/74/1487454.jpg)
Heldur inn í nóttina tuttugu kílóum léttari
Krefjast stöðvunar framkvæmda
Tveir í bílnum sem lenti utan vegar
Gígbarmurinn hækkað frá því í gær
Sex hafa greinst með listeríu
Shakespeare fannst í skókassa
„Höfum ekki náð að skríða upp úr þeirri gryfju“
Skiptir miklu meira máli en fólk grunar