Réðst á konu eftir að hafa fengið yfirlit yfir símanúmer fyrrverandi eiginmanns

Fyrrverandi eiginkona mannsins fékk útprentað yfirlit yfir símanúmer hans hjá ...
Fyrrverandi eiginkona mannsins fékk útprentað yfirlit yfir símanúmer hans hjá Nova. Þar sá hún við hverja hann hafði talað í síma og hverjum hann hafði sent SMS-skilaboð. AFP

Nova braut lög um persónuvernd með því að miðla persónuupplýsingum til fyrrverandi eiginkonu manns sem leiddi síðan til þess að konan réðst með ofbeldi á aðra konu sem maðurinn hafði átt í samskiptum við.

Þetta kemur fram í úrskurði Persónuverndar. 

Fram kemur að maðurinn hafi kvartað til Persónuverndar í júní í fyrra yfir miðlun Nova á persónuupplýsingum um hann. 

Í kvörtuninni kemur meðal annars fram að fyrrverandi eiginkona mannsins fékk útprentað yfirlit yfir símanúmer hans hjá Nova, sem skráð var á fyrirtæki. Þar sá konan við hverja hann hafði talað í síma og hverjum hann hafði sent SMS-skilaboð.

Segir að hún hafi komið auga á að maðurinn hafði verið í samskiptum við tiltekna konu, sem hún þekkti til. Hafi hún í framhaldinu farið til konunnar og ráðist á hana með ofbeldi. Maðurinn upplýsti að sú líkamsárás hefði verið kærð til lögreglu.

Segja að konan hafi villt á sér heimildir

Fram kemur í svarbréfi Nova í október, að fyrrverandi eiginkona mannsins hefði gefið í skyn að hún væri að óska eftir umræddum gögnum fyrir hönd fyrirtækisins og villt á sér heimildir með því að framvísa greiðslukorti með nafni fyrirtækisins. Hafi hún þannig blekkt þann starfsmann Nova sem afhenti henni umbeðnar upplýsingar.

Kemur því fram að Nova telji að frumástæða þess að konan komst yfir upplýsingarnar megi rekja til blekkinga hennar. Aftur á móti segir að starfsmaður Nova hafi gert mistök með afhendingu upplýsinganna, þar sem vinnulag Nova geri ekki ráð fyrir að upplýsingar af þessu tagi séu afhentar þeim sem um þær biður, jafnvel þótt það sé skráður notandi eða greiðandi vegna símanúmersins, heldur sé þeim sem óskar slíkra upplýsinga bent á að nálgast þær á læstu vefsvæði viðkomandi á þjónustuvef Nova.

Þá er tekið fram að eftir atvikið hafi stjórnendur Nova hitt manninn og útskýrt sína hlið mála. Einnig kemur fram, að Nova hafi hafi skerpt enn frekar á starfsreglum sínum í kjölfar atviksins til að freista þess að útiloka með öllu að rangur aðili geti villt á sér heimildir og þannig öðlast á grundvelli blekkingar aðgang að upplýsingum sem honum séu óviðkomandi.

Miðlun upplýsinganna var óheimil

Fram kemur í úrskurði Persónuverndar, að miðlun upplýsinganna hafi verið óheimil. Og að Nova hafi borið að gera ráðstafanir til að koma í veg fyrir að upplýsingarnar kæmust í hendur óviðkomandi, til dæmis með því að tryggja að sá sem óski afhendingar sé skráður sem þar til bær aðili fyrir hönd fyrirtækisins.

„Verður ekki séð að þetta hafi verið gert og var því brotið gegn ákvæðum 11. gr. laga nr. 77/2000,“ segir í úrskurðinum.

Þá segir, að Persónuvernd hafi lagt fyrir Nova að senda stofnuninni afrit af nýjum reglum eigi síðar en 15. febrúar, auk upplýsinga um hvernig fræðslu til starfsmanna er háttað um efni verklagsreglnanna.

mbl.is

Innlent »

Vilja að hætt verði við kísilverið

Í gær, 23:55 Arion banki og Thorsil eru í yfirlýsingu frá meirihluta bæjarfulltrúa í Reykjanesbæ hvött til að falla frá öllum áformum um uppbyggingu og rekstur kísilmálmverksmiðja í Helguvík. Hvetja bæjarfulltrúarnir fyrirtækin þess í stað til að taka frekar þátt í annarri atvinnuuppbyggingu Meira »

„Risastórt lífskjaramál“

Í gær, 22:20 Katrín Jakobsdóttir, forsætisráðherra, sagði húsnæðismál risastórt kjaramál í viðtali við Kastljós í kvöld, en átakshópur um fram­boð á íbúðum og aðrar aðgerðir til að bæta stöðu á hús­næðismarkaði kynnti í dag tillögur sínar í þeim efnum. Meira »

Hrói höttur í Firðinum

Í gær, 21:50 Bogfimi er kennd víða um land og nýjasta félagið á þeim vettvangi er Bogfimifélagið Hrói höttur í Hafnarfirði. Félagið var stofnað 3. september 2018 og fyrsta námskeiðið hófst í íþróttahúsi Hraunvallaskóla 3. desember síðastliðinn. Meira »

Ráðherra hafi ekki verið hæfur

Í gær, 21:30 Mál Laxinn lifi, Náttúruverndarsamtaka Íslands, Akurholts ehf., Geiteyrar ehf., Ara P. Wendel, Víðis Hólm Guðbjartssonar, Atla Árdal Ólafssonar, Varplands hf. Og Veiðifélags Laxár á Ásum gegn Arctic Sea Farm hf. annars vegar og Fjarðarlaxi ehf. hins vegar, var þingfest í Héraðsdómi Reykjavíkur í dag. Meira »

Skoða tímabundna notkun Sólvangs

Í gær, 21:10 Mikil vinna hefur verið unnin í heilbrigðisráðuneytinu svo fjölga megi hjúkrunarrýmum og finna leiðir til að tryggja mönnum hjúkrunarfræðinga. Þetta kom fram í svörum heilbrigðisráðherra á Alþingi í dag. 140 ný hjúkrunarrými bætist við í ár og þá sé verið að skoða tímabundna notkun Sólvangs. Meira »

Hafi sætt „ofbeldi, ofsa og yfirgangi“

Í gær, 20:40 Sveitarstjórnarmenn voru ómyrkir í máli í bókunum sínum á fundi sveitarstjórnar Reykhólahrepps í dag þegar tekin var ákvörðun um að auglýsa aðalskipulagsbreytingu sem gerir ráð fyrir Teigskógarleið á Vestfjarðavegi. Lögðu þeir m.a. til að réttarstaða gegn Vegagerðinni yrði skoðuð. Meira »

Skapað verði aðgengi að Ófeigskirkju

Í gær, 20:20 Gert er ráð fyrir því að gera færslu Ófeigskirkju skil í tengslum við friðlýsingu Gálgahrauns. Sumir telja að söguleg álfakirkja sé í grjótbjarginu, sem var fyrir vikið fært úr götustæðinu við gerð Álftanesvegar árið 2015. Meira »

Spaugstofan var afar mikilvæg

Í gær, 20:05 Fyrir stjórnmálin og samfélagið almennt er nauðsynlegt að fjölmiðlar hafi á dagskrá pósta þar sem sagt er frá atburðum líðandi stundar á gamansaman hátt. Hver sá sem hefur ekki húmor fyrir sjálfum sér er illa settur,“ segir Karl Ágúst Úlfsson og telur Spaugstofuna hafa verið mikilvæga að þessu leyti. Meira »

Loksins almennileg norðurljós

Í gær, 19:40 Leiðsögumenn í ferðaþjónustu hafa kvartað undan lítilli norðurljósavirkni í vetur. Á morgun miðvikudag er þó von á að það verði breyting á því. Allmikilli norðurljósavirkni er spáð en jafnframt góðu skyggni víða um land. Meira »

170 viðburðir á Íslandi á formannsárinu

Í gær, 19:35 170 norrænir og alþjóðlegir fundir og viðburðir fara fram á Íslandi næsta árið í tengslum við formennsku Íslands í Norrænu ráðherranefndinni. Þetta var meðal þess sem fram kom á kynningu í Norræna húsinu nú síðdegis, en Ísland tók formlega við formennskunni um síðustu áramót. Meira »

„Samræmist okkar kröfum mjög vel“

Í gær, 18:55 Sólveig Anna Jónsdóttir, formaður Eflingar, er ánægð með tillögur átakshóps um fram­boð á íbúðum og aðrar aðgerðir til að bæta stöðu á hús­næðismarkaði sem kynntar voru í Hannesarholti í dag. Spurð hvernig tillögurnar horfi við yfirstandandi kjaraviðræðum segir hún þær samræmast kröfum Eflingar vel. Meira »

„Risastórt skref í átt að lausn“

Í gær, 18:15 „Ef það tekst að framkvæma þessar hugmyndir eða bróðurpartinn af þeim þá mun það vera risastórt skref í átt að lausn kjaradeilunnar,“ segir Ragnar Þór Ingólfsson, formaður VR, um tillögur átakshóps um aukið framboð á íbúðum og aðrar aðgerðir til að bæta húsnæðismarkaðinn. Meira »

Mögulegur grunnur að lausn kjarasamninga

Í gær, 17:42 „Það er ánægjulegt að sjá að tillögurnar eru komnar fram. Það sem mest er um vert, er að það næst sátt um tillögurnar í þessum stóra hópi og það hlýtur að vera upphaf að einhverju,“ segir Halldór Benjamín Þorbergsson, framkvæmdastjóri Samtaka atvinnulífsins. Meira »

194 bílar Volvo innkallaðir

Í gær, 17:02 Brimborg kallar inn 194 díselbíla frá Volvo eftir að upp hefur komist galli í eldsneytisröri sem gerir það að verkum að myndast sprungur og getur farið að leka. Þetta staðfestir Brimborg, umboðsaðili Volvo á Íslandi, í svari við fyrirspurn mbl.is. Meira »

Stal úr söluvagni flugfreyju

Í gær, 16:57 Erlendur karlmaður var gripinn í Flugstöð Leifs Eiríkssonar í gær með snjallúr og rakspíra, sem hann var grunaður um að hafa tekið ófrjálsri hendi í fríhöfninni. Fyrst í stað þrætti maðurinn fyrir að hafa stolið mununum, en sá svo að sér og játaði stuldinn. Meira »

Undir áhrifum á flótta frá lögreglu

Í gær, 16:55 Karlmaður á fertugsaldri sem var handtekinn á stolnum bíl á Viðarhöfða síðastliðinn fimmtudag að lokinni eftirför lögreglu er grunaður um akstur undir áhrifum fíkniefna og án ökuréttinda. Meira »

Lýst eftir Land Rover Discovery

Í gær, 16:44 Lögreglan á höfuðborgarsvæðinu lýsir eftir svörtum Land Rover Discovery árgerð 2014 með skráningarnúmerið TL-L94 en honum var stolið í nótt frá Bjarnarstíg í Reykjavík. Meira »

Rútur lentu utan vegar við Vík

Í gær, 16:40 Tvær rútur höfnuðu utan vegar vegna mikillar hálku á sama sólarhring í nágrenni við Vík í Mýrdal. Lítil hætta skapaðist en aðstoð björgunarsveita þurfti til að koma þeim aftur upp á veginn. Meira »

Innkalla sítrónufrómas úr Krónunni

Í gær, 16:01 Krónan, í samráði við Heilbrigðiseftirlit Reykjavíkur, hefur innkallað Blomsterbergs citronfromage vegna ómerktra ofnæmis- og óþolsvalda, en í vörunum er að finna möndlur og hnetur. Meira »
HARMONIKKUHURÐIR SPARA MIKIÐ PLÁSS
Margar viðartegundir og litir, smíðað eftir máli. Verð frá kr. 13.900,- Sími 61...
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
NUDD- LÁTTU ÞER LIÐA VEL.
Slakaðu á og láttu þer líða vel.Nudd er fyrir likamlega og andlega vellíðan. ...
Ljósmyndanámskeið fyrir byrjendur
Ljosmyndari.is býður upp á fjölmörg námskeið á árinu 2019. 2ja daga ljósmyndanám...