Yfirheyrslur hafa staðið yfir í gær og í dag yfir sakborningum í máli er varðar alvarlega líkamsárás og frelsissviptingu á Akureyri í síðustu viku. Fjórir eru enn í gæsluvarðhaldi í þágu rannsóknarhagsmuna.
Samhliða yfirheyrslu hafa farið fram skýrslutökur af vitnum.
Á Facebook-síðu lögreglunnar á Norðurlandi eystra kemur fram að tveir þeirra fjögurra sem eru í gæsluvarðhaldi kæru úrskurð Héraðsdóms Norðurlands eystra þess efnis til Landsréttar á laugardag, í því skyni að fá hann felldan úr gildi og er niðurstöðu að vænta þaðan. Hinir tveir kærðu úrskurðinn til Landsréttar á mánudag.
Rannsóknin heldur áfram og það er enn mat lögreglunnar að ekki sé unnt að greina frá efnisatriðum málsins á þessu stigi. Unnið er í kappi við tímann á meðan beðið er niðurstöðu Landsréttar.