Eðli símtala sem Neyðarlínunni berast hefur aðeins breyst með tilkomu fleiri ferðamanna hér á landi þótt þeim hafi ekki fjölgað í takt við þá.

„Í vetur höfum við fengið fleiri símtöl frá ferðamönnum sem eru fastir í snjó. Velflestir hafa ekki einu sinni stigið út úr bílnum og leitað að skóflu áður en þeir hringja. Þeir vilja bara fá hjálp. Við fáum líka símtöl frá hræddum ferðamönnum sem vilja ekki keyra meira. Það verður kannski allt í einu blint og þeir verða bara hræddir,“ segir Tómas Gíslason, aðstoðarframkvæmdastjóri Neyðarlínunnar.

Neyðarlínan, 112, tekur á móti um 200.000 símtölum á ári og 150.000 þeirra verða að útkalli af einhverju tagi. Að meðaltali er hringt um 600 sinnum á dag í Neyðarlínuna en síðasta laugardag var vonskuveður og þá urðu símtölin 1.200 og um 1.000 á sunnudeginum.

Tengdar fréttir

Óveður í febrúar 2018

Þúfan lokuð fram á vor

• Elliðaárdalur illfær vegna flóða
• Gjörónýtur stígur eftir vætutíð
• Mikið að gera á neyðarvaktinni
• Miklar seinkanir á flugi

» Fleiri tengdar fréttir