Páll vill sama verð í Herjólf óháð höfn

Páll Magnússon vill eina verðskrá á siglingar Herjólfs, helst um ...
Páll Magnússon vill eina verðskrá á siglingar Herjólfs, helst um næstu mánaðamót. mbl.is/Kristinn Magnússon

Rætt var um samgöngur til Vestmannaeyja í óundirbúnum fyrirspurnatíma á Alþingi í dag. Páll Magnússon þingmaður Sjálfstæðisflokks spurði Sigurð Inga Jóhannsson samgönguráðherra að því hvort mögulegt væri að flýta áformum um að jafna verðskrá Herjólfs, þannig að verðskráin verði sú sama óháð því hvort siglt er til Þorlákshafnar eða Landeyjahafnar.

Samgönguráðherra sagðist jákvæður fyrir málinu, en greina þyrfti hversu mikið aðgerðin myndi kosta.

Páll sagði að hann þyrfti ekki að fjölyrða um þær hremmingar sem Eyjamenn hefðu upplifað í samgöngumálum síðastliðin ár, vegna tíðrar ófærðar í Landeyjahöfn.

„Þegar ekki er siglt í Landeyjahöfn er ekki nóg með það að siglingatíminn sexfaldist í vetrarbrælunum sem ríkja, heldur þrefaldast fargjaldið líka. Þetta er tvöfaldur ami, sem menn hafa af þessu og þetta er mikið réttlætismál að laga,“ sagði Páll og benti á að ferjusamgöngur til Vestmannaeyja væru hluti af þjóðvegakerfinu.

Hann sagði að það hefði verið talað um það að með nýrri ferju, sem væntanleg er síðar á árinu, yrðu fargjöldin þau sömu, sama hvort siglt væri í Landeyjahöfn eða Þorlákshöfn.

Far með Herjólfi til Vestmannaeyja fyrir einn fullorðinn einstakling kostar 1.380 kr. ef siglt er frá Landeyjahöfn en 3.420 kr. ef siglt er frá Þorlákshöfn.

„Er eftir nokkru að bíða? Er ekki hægt að laga þetta núna?“ sagði Páll.

Sigurður Ingi tók jákvætt í fyrirspurn Páls um eina verðskrá ...
Sigurður Ingi tók jákvætt í fyrirspurn Páls um eina verðskrá Herjólfs. mbl.is/Eggert

Ráðherra jákvæður en lofaði engu

Sigurður Ingi svaraði því til að málið hefði verið til skoðunar í ráðuneytinu, meðal annars vegna ábendinga Páls. Hann væri jákvæður gagnvart málinu.

„Við höfum verið að greina kostnaðinn við það, hann er auðvitað óviss, þar sem það er veðrið sem ræður þar ríkjum og annar óvissuþáttur er það við vitum ekki á þessum tímapunkti hvenær ferjan kemur í haust,“ sagði Sigurður Ingi.

„Ég er mjög jákvæður fyrir því að gera þetta, þetta er réttlætismál,“ sagði samgönguráðherra einnig, en lofaði þó engu, þrátt fyrir Páll kæmi í pontu öðru sinni og óskaði eftir því að ráðherra gæfi „ákveðnari fyrirheit“ um málið.

Sigurður Ingi sagði það oft koma upp í samræðum sínum við Vestmannaeyinga, hversu ósanngjarnt það væri að borga þrefalt gjald fyrir það að sigla til Þorlákshafnar, sem tæki mun lengri tíma að auki.

mbl.is

Innlent »

Tillaga um nýtt sjúkrahús til borgarráðs

22:22 „Það var enginn sem gat mælt gegn þessu,“ segir Eyþór Arnalds. Borgarstjórn samþykkti í kvöld að vísa tillögu hans um staðarvalsgreiningu fyrir aðra sjúkrahúsuppbyggingu í Reykjavík í borgarráð til úrvinnslu. „Það þarf líka að ná sátt í þessum málum og ekki vera í skotgröfum.“ Meira »

Landakotsskóli í stappi við borgina

22:06 Landakotsskóli hefur staðið í miklu stappi við Reykjavíkurborg varðandi kostnaðarþátttöku borgarinnar í frístund. Skólinn hefur boðið upp á hljóðfæranám og marga aðra áhugaverða kosti í frístund án þess að rukka sérstaklega fyrir þá og að vonast er til þess að svo verði hægt áfram. Meira »

Reykjavík önnur dýrasta borgin

21:18 Reykjavík er önnur dýrasta borg í Evrópu samkvæmt ferðavefnum Wanderu og fylgir þar á hæla Mónakó sem er dýrasta borgin og er aðgangur að reykvískum söfnum 28 sinnum hærri en í Chisinau í Moldvaíu, þar sem hann var ódýrastur. Ódýrasta borgin er hins vegar Skopje í Makedóníu Meira »

Vilja tryggja trúverðugleika úttektar

20:45 „Mál Áslaugar verður að sjálfsögðu skoðað sem hluti þessarar úttektar, og það verður skoðað frá öllum hliðum,“ segir Brynhildur Davíðsdóttir, stjórnarformaður Orkuveitu Reykjavíkur. Að hennar sögn verður aðkoma óðháðs aðila að úttektinni tekin til skoðunar á stjórnarfundi á morgun. Meira »

Jáeindaskanninn kominn í notkun

20:33 Jáeindaskanninn á Landspítalanum við Hringbraut var tekinn í notkun í síðustu viku. Pétur H. Hannesson, yfirlæknir á röntgendeild Landspítala, staðfestir í samtali við mbl.is að byrjað sé að nota skannann og að níu sjúklingar hafi þegar gengist undir rannsókn í tækinu. Meira »

„Auðvitað gekk ýmislegt á“

20:22 „Það er ánægjulegt að sjá þennan vilja til að fjárfesta í sjávarútvegi í Vestmannaeyjum,“ segir Íris Róbertsdóttir, bæjarstjóri Vestmannaeyja, í samtali við 200 mílur um kaup FISK-Seafood á öllum hlut Brims hf. í Vinnslustöðinni. Meira »

Pysjum bjargað í Vestmannaeyjum

20:05 Pysjutíðin stendur sem hæst um þessar mundir í Vestmannaeyjum og hafa margir Eyjamenn gert sér glaðan dag og bjargað pysjum.  Meira »

Reiði og tómleikatilfinning

19:53 Al­gengt er að fólk með jaðar­per­sónu­leikarösk­un sé rang­lega greint með geðhvörf (bipol­ar) en þar standa sveifl­ur í skapi yfir í lengri tíma og eru sjald­gæfari ásamt því að önn­ur ein­kenni en skapsveifl­ur greina á milli hvorri rösk­un fyr­ir sig. Um 2-6% fólks er með röskunina. Meira »

Vænta góðs samstarfs eftir kaupin

19:15 Jón Eðvald Friðriksson, framkvæmdastjóri FISK-Seafood ehf., segir fyrirtækið sjá mikil tækifæri í rekstri Vinnslustöðvarinnar. 200 mílur greindu fyrr í dag frá kaupum FISK á öllum hlut Brims hf. í útgerðinni, fyrir 9,4 milljarða króna. Meira »

Opnun nýrrar stólalyftu frestast um ár

19:03 Ný stólalyfta í Hlíðarfjalli ofan Akureyrar verður ekki opnuð í vetur eins og til stóð. Vegna ágreinings verktakans G. Hjálmarssonar og Vina Hlíðarfjalls, félagsins sem stendur að uppsetningu lyftunnar, mun opnun lyftunnar frestast um eitt ár. Meira »

Krabbameinslyf ófáanleg í 4 mánuði

19:01 Samheitalyfið Exemestan hefur ekki verið fáanlegt hér á landi síðan um miðjan maí, en það er nauðsynlegt fólki með brjóstakrabbamein. Fjölmiðlafulltrúi Actavis, sem flytur lyfið til landsins, segir að vonast sé til þess að ný sending komi til landsins á næstu dögum. Meira »

Enginn sett sig í samband við Áslaugu

18:51 „Við höfum fundið fyrir gríðarlegum stuðningi frá vinum og vandamönnum, og meira að segja fólki sem við þekkjum ekki neitt. Okkur þykir vænt um það og erum þakklát fyrir það, en það hefur enginn haft samband við Áslaugu sem einhverja ábyrgð ber á þessu máli,“ segir Einar Bárðarson. Meira »

„Við gerum þetta af ástríðu“

18:36 Þau eiga engra hagsmuna að gæta en tóku sig samt til og slógu Laugarneshólinn sem var kominn á kaf í kerfil og njóla. Hóllinn sá geymir dýrmætar æskuminningar systkinanna Þuríðar og Gunnþórs sem fæddust þar og ólust upp. Meira »

Hafa ráðið í 97,5% stöðugilda leikskóla

18:03 Í Reykja­vík á eft­ir að ráða í 38,8 stöðugildi í leik­skóla, 16,5 stöðugildi í grunn­skóla og 64 stöðugildi í frí­stunda­heim­ili og sér­tæk­ar fé­lags­miðstöðvar, sam­kvæmt upplýsingum sem safnað var 13. september. Meira »

Samþykkt að tryggja framgang borgarlínu

17:56 Borgarstjórn samþykkti rétt í þessu að fela umhverfis- og skipulagssviði að hefja fjögur verkefni til að tryggja framgöngu borgarlínu sem hágæðakerfis almenningssamgangna. Meira »

Einn slasaðist í hörðum árekstri

17:44 Einn slasaðist í hörðum árekstri tveggja fólksbíla á gatnamótum Háaleitisbrautar og Miklubrautar um fimmleytið í dag.  Meira »

Minnsta hækkun íbúðaverðs í sjö ár

17:24 Vísitala íbúðaverðs lækkaði um 0,1% í ágúst samkvæmt nýbirtum tölum Þjóðskrár Íslands og hefur nú hækkað um 4,1% undanfarna 12 mánuði. Meira »

Reglugerð endurskoðuð til að jafna rétt barna

16:58 Svandís Svavarsdóttir heilbrigðisráðherra hefur ákveðið að láta endurskoða ákvæði reglugerðar um greiðsluþátttöku sjúkratrygginga fyrir tannlækningar og tannréttingar barna vegna afleiðinga meðfæddra galla, slysa og sjúkdóma. Meira »

Borgin skoði málið þegar rannsókn lýkur

16:44 Dagur B. Eggertsson borgarstjóri vill gefa stjórn Orkuveitunnar ákveðið svigrúm til að vinna að þeim málum sem tengjast uppsögnum innan Orku náttúrunnar. „Þetta eru mjög alvarleg mál sem eru að koma upp. Stjórn fyrirtækisins sem er með þetta á sínu borði lítur þetta alvarlegum augum.“ Meira »