Aðgerðastjórn slökkviliðsins á höfuðborgarsvæðinu, björgunarsveita og lögreglunnar verður virkjuð klukkan sex í fyrramálið vegna óveðursins sem þá er spáð.
Allir verða því í viðbragðsstöðu ef vandamál koma upp.
Fyrr í kvöld greindi mbl.is frá því að níu björgunarsveitir á höfuðborgarsvæðinu verði í viðbragðsstöðu á þessum tíma.
Að sögn Rúnars Helgasonar, varðstjóra hjá slökkviliðinu, verður einnig gefin út viðvörun fyrir skólastjórnendur í fyrramálið ef hvellurinn verður mikill.
Slökkviliðið hvatti einmitt foreldra og forráðamenn til að fylgjast með veðri og tilkynningum í fyrramálið.
Spurður hvort slökkviliðið eigi von á vandamálum tengdum vatnselg telur að hann að flóð geti orðið ef veðrið snýst harkalega yfir í rigningu. Hann á þó síður von á vandamálum því tengdu.