Skylda Hörpu að sækja milljónirnar 35

Lögmaður Hörpu segir nauðsynlegt að fá milljónirnar 35 inn í ...
Lögmaður Hörpu segir nauðsynlegt að fá milljónirnar 35 inn í uppgjör tónleikanna. mbl.is/Árni Sæberg

„Það eru þarna 35 milljónir sem hafa farið í þennan ágæta umboðsmann og hans fyrirtæki. Við verðum auðvitað að komast að því hvað varð um þessa fjármuni og ég trúi nú ekki öðru en að þetta greiðist til baka,“ segir Baldvin Björn Haraldsson, lögmaður tónlistarhússins Hörpu.

Í gærdag fór fram málflutningur vegna frávísunarkröfu Kára Sturlusonar og félags hans KS Productions fyrir Héraðsdómi Reykjavíkur.

Harpa stefndi Kára og fyrirtæki hans í byrjun nóvember, þar sem Kári endurgreiddi ekki 35 milljón króna fyrirframgreiðslu sem hann fékk af miðasölutekjum vegna tónleika Sigur Rósar sem fram fóru í desember. Einhverjar eignir Kára hafa þegar verið kyrrsettar vegna málsins, en Harpa þarf að höfða staðfestingarmál til þess að fá kyrrsetninguna staðfesta.

Í umfjöllun Fréttablaðsins um málflutninginn í dómsal í gær kemur fram að lögmaður Kára, Steinbergur Finnbogason hafi farið fram á frávísun á kyrrsetningarkröfunni með vísan í vanreifan og óskýrðar kröfur.

Baldvin Björn segist verða „afar vonsvikinn“ ef dómurinn fellst á röksemdir verjandans í málinu.

Óuppgerðir hlutir á milli Kára og Sigur Rósar skipti ekki máli hér

Hann segir jafnframt sérkennilegt að Kári sé tilbúinn að eyða fjármunum í lögmann til að verja sig fyrir því að þessir fjármunir komi til baka, í stað þess að semja um greiðslur.

„Það er eitthvað tal um að það séu einhverjir óuppgerðir hlutir á milli Sigur Rósar og hans, en það kemur þessu máli bara ekkert við. Það þarf að fá þetta fyrst inn í uppgjörið á tónleikunum og síðan geta menn tekist á um það, þeir aðilar, hvort það séu einhverjir óuppgerðir hlutir í þeirra samstarfi. Ég hef ekki hugmynd um það,“ segir Baldvin Björn.

Hann segir að þegar Sigur Rós hafi rift sínu samstarfi við Kára þá hafi legið fyrir að hann væri ekki að fara undirbúa tónleikana.  

„Þar af leiðandi hafði ekkert annað við þessa fjármuni að gera annað en að skila þeim inn í uppgjörið á tónleikunum,“ segir Baldvin, en fyrirframgreiðslan til Kára hafði verið veitt í því trausti að hann myndi nota peningana til þess að undirbúa tónleikana.

Aðspurður segir Baldvin Björn að svo sé alltaf þegar Harpa greiði tónleikahöldurum fyrirfram af miðasöluverði.

„Ég veit ekkert hvar þessir peningar eru eða hvernig þeim hefur verið ráðstafað. Við viljum bara fá þá inn aftur og ef það eru einhverjar eignir sem við þurfum að sækja til að reyna að ná upp í þessa kröfu þá gerum við það að sjálfsögðu. Það er bara skylda Hörpu að reyna að ganga eftir því,“ segir Baldvin Björn.

Fréttin hefur verið uppfærð:
Áður sagði að Kári hefði verið umboðsmaður Sigur Rósar frá árinu 2005. Það er ekki rétt, samkvæmt ábendingu sem barst frá meðlim sveitarinnar.

Kári hefur hins vegar starfað með hljómsveitinni sem aðstoðarmaður og stundum sem tónleikahaldari, en hefur engan samning né umboð frá sveitinni.


mbl.is

Innlent »

Segir starfsfólki Hvals meinað að vera í VLFA

Í gær, 23:40 Vilhjálmur Birgisson, formaður Verkalýðsfélags Akraness (VLFA), segir að starfsfólki Hvals hf. hafi verið meinað að vera meðlimir í félaginu á fundi með forsvarsmönnum Hvals hf. í morgun. Frá þessu greinir hann á Facebook-síðu sinni en hvalveiðar hófust að nýju í dag. Meira »

Tóku sólinni opnum örmum

Í gær, 22:48 Þar kom að því að allir landsmenn fengu að njóta sólarinnar. Sú gula lét sjá sig um allt land í dag og þótt ekki hafi verið mjög hlýtt þar sem vind­ur stend­ur af hafi komst hiti á nokkrum stöðum yfir 20 gráður. Mesti hiti á landinu í dag mældist í Árnesi, 20,7 gráður. Meira »

Eldur í bíl í Krýsuvík

Í gær, 21:55 Slökkviliðið á höfuðborgarsvæðinu var kallað út að Krýsuvíkurvegi um klukkan átta í kvöld vegna elds í bíl. Eldurinn kviknaði þegar bíllinn var í akstri. Að sögn slökkviliðsins gekk vel að slökkva eldinn en bíllinn er illa farinn, ef ekki ónýtur. Meira »

Ný bæjarstjórn Hafnarfjarðar kom saman

Í gær, 21:45 Fyrsti fundur nýrrar bæjarstjórnar Hafnarfjarðar fór fram í kvöld. Á fundinum var lagður fram samstarfssáttmáli nýs meirihluta Bæjarstjórnar Hafnarfjarðar 2018-2022 og kosið í ráð og nefndir á vegum bæjarins. Ágúst Bjarni Garðarsson var kjörinn formaður bæjarráðs og Kristinn Andersen forseti bæjarstjórnar. Meira »

Fékk ljómandi fína klippingu í Moskvu

Í gær, 21:40 „Ég var sú eina af mínum vinum sem fékk miða á alla þrjá leikina þannig ég var lengi á báðum áttum hvort ég ætti að fara eða ekki, en svo ákvað ég að slá bara til. Þetta hlyti að verða skemmtilegt,“ segir Sigrún Helga Lund Rússlandsfari. Meira »

Gengur fram af stjórnanda sínum

Í gær, 21:23 „Hún er fáránlega góður búktalari og byrjaði mjög ung að æfa sig í búktali, þegar hún var aðeins 9 ára,“ segir Margrét Erla Maack um bandaríska búktalarann Cörlu Rhodes sem er á leið til Íslands til að koma fram með Reykjavík Kabarett, en líka til að halda búktalsnámskeið fyrir bæði börn og fullorðna. Meira »

Reykjadalurinn var "stelpaður" 19. júní

Í gær, 21:11 Kvenréttindadagurinn var víða haldinn hátíðlegur og margar samkomur haldnar í tilefni dagsins. Samkomurnar voru fjölbreyttar, en sem dæmi „stelpuðu“ hjólakonur frá hjólreiðafélaginu Tind Reykjadalinn. Meira »

Sverrir Mar býður sig fram til formennsku ASÍ

Í gær, 20:35 Sverrir Mar Albertsson, framkvæmdastjóri AFLs starfsgreinasambands, hefur ákveðið að bjóða sig fram til formennsku í Alþýðusambandinu á þingi sambandsins í október. Þetta staðfestir hann í samtali við mbl.is. Meira »

41,5 milljarða afgangur af rekstri sveitarfélaga

Í gær, 20:08 Tekjur sveitarfélaga, sem falla undir A- og B-hluta starfsemi þeirra, námu 405,5 milljörðum króna í fyrra og jukust um 7% á milli ára. Hlutdeild sveitarfélaga í tekjum hins opinbera er nú 28,5 prósent og hefur ekki verið hærri í fimmtán ár, hið minnsta. Þetta kemur fram í skýrslu Íslandsbanka um íslensk sveitarfélög, sem kom út í dag. Meira »

Mikil fjölgun katta vegna húsnæðisvanda

Í gær, 19:13 Algjör sprenging hefur orðið í pöntunum á Hótel Kattholt og er hótelið nú fullbókað, mun fyrr en síðustu ár. Halldóra Snorradóttir, starfsmaður í Kattholti, segist tengja það beint við leiðinlegt veðurfar hér á landi það sem af er sumri. Meira »

Frú Ragnheiður auglýsir eftir tjöldum

Í gær, 18:54 Frú Ragnheiður — Skaðaminnkun, sem er verkefni á vegum Rauða Krossins Í Reykjavík, auglýsir eftir tjöldum fyrir heimilislausa skjólstæðinga sína. Alls hefur heimilislausum í Reykjavík fjölgað um 95% á síðustu fimm árum og voru um það bil 350 manns skráðir heimilislausir aðeins í Reykjavík í fyrra. Meira »

Tveir unnu 16 milljónir í Víkingalottó

Í gær, 18:42 Fyrsti vinningur gekk ekki út í Víkingalottóútdrætti kvöldsins en tveir skiptu með sér öðrum vinningi og fær hvor þeirra rúmar 16 milljónir króna í vinning. Miðarnir voru keyptir í Eistlandi og Finnlandi. Meira »

Vilja bæta aðstæður fyrrum fanga

Í gær, 18:35 Ásmundur Einar Daðason, félags- og jafnréttismálaráðherra, hefur skipað starfshóp sem fjalla á um leiðir til að bæta félagslegar aðstæður þeirra sem hafa lokið afplánun fangelsisdóma. Þetta kemur fram í tilkynningu frá Stjórnarráðinu. Meira »

Tvær milljónir í skordýr

Í gær, 18:28 Þýsku hjónin Christin Irma Schröder og Torsten Ullrich urðu hlutskörpust í matvælasamkeppni þar sem kepptu hugmyndir er varða nýtingu jarðvarma til framleiðslu matvæla. Verkefni þeirra snýr að nýtingu jarðhita til ræktunar á skordýrum og hlutu þau m.a. tvær milljónir króna í verðlaun. Meira »

Virðir Gylfa fyrir að stíga til hliðar

Í gær, 17:59 „Fyrstu viðbrögð eru bara þau að það er gott að þetta sé komið á hreint,“ segir Ragnar Þór Ingólfsson, formaður VR, inntur eftir viðbrögðum við þeirri ákvörðun Gylfa Arnbjörnssonar, forseta ASÍ, að bjóða sig ekki fram til endurkjörs á þingi Alþýðusambandsins í október. Meira »

Byrðunum lyft af þeim veikustu

Í gær, 17:48 Hlutfall Sjúkratrygginga Íslands í heildarútgjöldum einstaklinga sem nýta sér heilbrigðisþjónustu hefur hækkað úr 74% í 82% frá því að breytt greiðsluþátttökukerfi tók gildi 1. maí í fyrra. Heildarútgjöld sjúklinga eru um 1,5 milljörðum króna lægri á ársgrundvelli en áður. Meira »

Hreyfingunni fyrir bestu segir Gylfi

Í gær, 16:51 „Þetta hefur verið að gerjast hjá mér í nokkra mánuði,“ segir Gylfi Arnbjörnsson, forseti Alþýðusambands Íslands. Á fundi miðstjórnar ASÍ í dag gerði hann grein fyrir því að hann ætlar ekki að gefa kost á sér til endurkjörs á 43. þingi ASÍ sem haldið verður 9. október. Meira »

Gjaldtöku hætt í september

Í gær, 16:33 Gjaldtöku í Hvalfjarðargöngum verður hætt í september og tekur ríkið við göngunum í haust. Þetta kemur fram í frétt á vefsíðu Spalar, en einkahlutafélaginu Speli verður slitið eftir að göngin verða afhent ríkinu en ríkið ætlar ekki að ráða neinn til sín úr núverandi starfsmannahópi Spalar. Meira »

Samfylkingin fordæmir aðskilnað fjölskyldna

Í gær, 16:31 „Það á ekki að líðast að börn séu notuð sem skiptimynt í pólitískum deilum.“ Þetta kemur meðal annars fram í yfirlýsingu sem þingflokkur og framkvæmdastjórn Samfylkingarinnar hefur sent frá sér vegna framferði Bandaríkjastjórnar að aðskilja börn og foreldra við landamæri Bandaríkjanna til suðurs. Meira »
NP ÞJÓNUSTA
NP Þjónusta Annast bókanir, reikningsfærslur o.f.l. Upplýsingar í síma 649-6134....
Silkihana
Flottir silkihanar til sölu, 3000 kr stk. s. 6956570...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...