Búið er að opna fyrir umferð um Kjalarnes, undir Hafnarfjalli og hluta Mosfellsheiðar. Þá var Reykjanesbrautin opnuð á ný um hálftíu í morgun.
Enn er hins vegar lokað á Hellisheiði, í Þrengslum, Sandskeiði, Lyngdalsheiði, Mosfellsheiði, Fróðárheiði, Steingrímsfjarðarheiði, Þröskulda, Holtavörðuheiði, Bröttubrekku.
Veðrið náði hámarki á Suðvesturhorninu um tíuleytið í morgun og hefur haldist nokkuð stöðugt síðan, en að sögn Veðurstofunnar má gera ráð fyrir að úrkoman lægi þar að mestu nú um hádegisbil.