Í nógu var að snúast hjá slökkviliði höfuðborgarsvæðisins í gær er kröpp lægð gekk yfir landið með tilheyrandi úrkomu. Sinnti slökkviliðið fjörutíu útköllum vegna vatns, því síðasta um miðnætti.
Mikill vatnselgur myndaðist víða í gær vegna veðursins. Götur, bílastæði og bílastæðahús fóru á flot eins og sagt var frá í fjölda frétta á mbl.is í gær.
Á morgun mun enn ein lægðin ganga yfir landið og er spáð talsverðri úrkomu á sunnanverðu landinu.