Úrskurðaðir í áframhaldandi varðhald
Setja bókamerki
Tveir karlmenn, sem hafa setið í gæsluvarðhaldi vegna rannsóknar lögreglunnar á Suðurnesjum á innbrotum í gagnaver í Reykjanesbæ og Borgarbyggð, voru í dag úrskurðaðir í áframhaldandi gæsluvarðhald fram til miðvikudagsins 7. mars.
Lögreglan á Suðurnesjum staðfestir þetta við mbl.is en verst frekari fregna af rannsókn málsins.
Innbrotin þrjú voru framin á tímabilinu frá 5. desember síðastliðnum til 16. janúar. Þeim er lýst sem „þaulskipulögðum“. Alls hafa níu verið handteknir en fjórir voru upphaflega úrskurðaðir í gæsluvarðhald og tveir eru enn í varðhaldi.
Einn hinna handteknu var öryggisvörður hjá Öryggismiðstöðinni. Fyrirtækið annast öryggismál fyrir Advania en einn staðurinn sem brotist var inn á var á framkvæmdasvæði við gagnaver fyrirtækisins á Fitjum. Auk þess liggur fyrir að brotist var inn í gagnaver Borealis Data Center í Borgarbyggð.
„Okkur miðar í rétta átt“
Árshátíð ríkislögreglustjóra haldin í Tékklandi
Skiptir miklu meira máli en fólk grunar
„Það þarf að vinna mikinn fjölda upp“
Veiting hvalveiðileyfis ekki brot á EES-samningi
Vélsleðaslys: Þyrlan kölluð út á mesta forgangi