Boðar baráttu um Ísland næstu árin

Logi Már Einarsson, formaður Samfylkingarinnar, á landsfundi flokksins.
Logi Már Einarsson, formaður Samfylkingarinnar, á landsfundi flokksins. mbl.is/Árni Sæberg

„Það má vel segja að næstu ár verði barátta um Ísland og stór liður í henni er að tryggja eignarhald þjóðarinnar á sameiginlegum auðlindum, í stjórnarskrá, og innheimta sanngjarna rentu.“ Þetta sagði Logi Már Einarsson, formaður Samfylkingarinnar, í stefnuræðu sinni á landsfundi Samfylkingarinnar á lokaathöfn fundarins.

„Samhliða þessari gríðarlegu samþjöppun auðs hafa þeir eignamestu hreiðrað um sig á öllum sviðum samfélagsins samtímis. Í útgerð, bönkum, orkufyrirtækjum, tryggingafélögum, dagblöðum og nú síðast á húsnæðismarkaði.“

Logi sagði að skoða þyrfti róttækar breytingar á skattkerfinu til að hindra að ágóðinn af tækniþróun komandi ára yrði ekki allur eftir hjá fyrirtækjunum. Slíkt myndi leiða til þess að stjórnvöld réðu ekki við að halda upp öflugu velferðarkerfi og bilið milli þeirra efnameiri og snauðu, næði áður óþekktum hæðum.

Ábyrgðinni varpað yfir á stéttafélög

Logi ræddi ójöfnuð og sagði að ríkisstjórnin skilaði auðu þegar kæmi að þeim verst settu. Ekki væri staðið við margítrekuð loforð um að styrkja innviði og almannaþjónustu. Ríkisstjórnin byði hvorki upp á trúverðuga lífskjarasókn né leið til aukins félagslegs stöðugleika. 

Ábyrgðinni á hvoru tveggja er varpað yfir á stéttafélög. Það félagslega öryggi sem er talið sjálfsagt í nágrannalöndum okkar, ætlar ríkisstjórnin að nota sem skiptimynd í kjarasamningum.

Frá landsfundi Samfylkingarinnar.
Frá landsfundi Samfylkingarinnar. mbl.is/Árni Sæberg

Mannfjandsamleg stefna hjá systurflokki

Þá kom Logi inn á málefni flóttamanna og varpaði fram spurningu um hversu mikið Ísland ætti að leggja að mörkum til þess hluta jarðarbúa sem býr við hungur, er á flótta undan hörmungum og stríði eða í örvæntingarfullri leit eftir öryggi og betra lífi.

„Svarið er já, auðvitað og ríkt land eins og Ísland á að gera miklu betur [...] Þær fréttir berast frá nágrannalöndum okkar að setja eigi lög, sem brjóta gróflega mannréttindi á stórum hópum. Jafnvel systurflokkur okkar í Danmörku hefur boðað stefnu sem er í mörgu mannfjandsamleg. Við skulum einsetja okkur að falla aldrei í þá freistni að gefa afslátt af mannúð, í örvæntingafullri tilraun til að stækka flokkinn.“

Talaði um „asnaskap“ Vinstri-grænna

Logi sagði að þó að flestir flokkar héldu því á lofti að allir væru fæddir jafnir væri grundvallarmunur á því hvaða merkingu þeir legðu í það.

„Íslenskir stjórnmálaflokkar hafa gefið Sjálfstæðisflokknum allt of mikil völd gegnum tíðina. Í krafti 30% fylgis hefur hann setið í allt of mörgum ríkisstjórnum; þrátt fyrir að 70% þjóðarinnar hugnist hvorki viðhorf hans, né stefna,“ sagði Logi. 

Að mati Loga þurfa félagshyggjuflokkarnir að átta sig á þessu og leita allra mögulegra leiða til að vinna saman. Náist það ekki mun þeir halda áfram að vera á víxl fylgitungl Sjálfstæðisflokksins sem væri hinn raunverulegi óvinur.

Sagði hann ennfremur Samfylkinguna halda dyrunum opnum fyrir Vinstri græn þegar þau myndu átta sig á þeim „asnaskap“ sem þau hefðu „leiðst út í“ og hlaut lófatak fyrir. Vísaði hann þar til ríkisstjórnarsamstarfs VG við Sjálfstæðisflokkinn.

Frá landsfundi Samfylkingarinnar.
Frá landsfundi Samfylkingarinnar. mbl.is/Árni Sæberg
mbl.is

Innlent »

Bergþór fékk fyrsta laxinn

07:33 Bergþór Grétar Böðvarsson er Reykvíkingur ársins og það var hann sem landaði fyrsta laxinum í Elliðaánum í morgun.   Meira »

Bjartur dagur fram undan

06:54 Í dag er bjartur og fallegur dagur í vændum, þótt ekki verði mjög hlýtt þar sem vindur stendur af hafi og vegna þess hve kaldur sjórinn er hefur sjávarhitinn mikil áhrif á lofthitann. Spáð er allt að 16 stiga hita í dag en hlýjast verður á Suðurlandi. Meira »

Slasaðist á leið úr bíói

05:48 Kona var flutt með sjúkrabifreið á slysadeild Landspítalans um klukkan 20 í gærkvöldi eftir að hafa dottið í tröppum þegar hún var að koma út úr Smárabíói. Meira »

HM eykur áhuga

05:30 Áhugi á Íslandi og íslenska landsliðinu í knattspyrnu hefur margfaldast eftir að heimsmeistaramótið í knattspyrnu fór af stað. Meira »

Efla flýr myglu á Höfðabakkanum

05:30 Á næstu mánuðum verður starfsemi verkfræðistofunnar Eflu flutt af Höfðabakka í Reykjavík, en í byggingunni þar hafa greinst rakaskemmdir og mygla, sem kallar á umfangsmiklar viðgerðir. Meira »

Eyjamenn geta fagnað rallinu í ár

05:30 Aukning í holuábúð lunda mælist í Vestmannaeyjum og víðar í kringum Suðurland. Þetta kemur fram í niðurstöðum nýafstaðins lundaralls en því lauk í Eyjum sl. mánudag. Fækkun mælist á Vesturlandi en ekki er ljóst hvað veldur. Meira »

Þjóðverjar vilja íslenskt grænmeti

05:30 Varanleg áhrif af opnun verslunar Costco hér á landi á sölu á íslensku grænmeti eru takmörkuð. Þetta segir Gunnlaugur Karlsson, framkvæmdastjóri Sölufélags garðyrkjumanna. Meira »

Leita upplýsinga og sjónarmiða RÚV

05:30 „Þetta er ekki í fyrsta skipti sem keppinautar á auglýsingamarkaði kvarta yfir þátttöku RÚV á markaðnum. Það er búið að fjalla um það af hálfu stjórnvalda áður,“ segir Páll Gunnar Pálsson forstjóri Samkeppniseftirlitsins. Meira »

Staða kynjanna að jafnast

05:30 Kynjahlutfall í nefndum á vegum ráðuneytanna hefur aldrei verið jafnara, bæði hvað varðar hlutfall í nefndum skipuðum á starfsárinu 2017 og í öðrum starfandi nefndum árið 2017. Meira »

Málið á milli ríkisins og ganganna

05:30 „Í þessu tilviki er um að ræða málefni Vaðlaheiðarganga og íslenska ríkisins og það tengist okkur ekki.“ Þetta segir Guðjón Helgason, upplýsingafulltrúi Isavia, spurður út í meinta skuld fyrirtækisins við Vaðlaheiðargöng hf. Meira »

Andlát: Poul Mohr, fv. ræðismaður í Færeyjum

05:30 Poul Mohr lést 16. júní síðastliðinn, 88 ára að aldri. Mohr var kjörræðismaður Íslands í Færeyjum í 22 ár, frá árinu 1985 allt til ársins 2007 þegar Ísland opnaði sendiskrifstofu í Þórshöfn. Meira »

Gekk örna sinna rétt hjá salerni

05:30 Enn virðist vera algengt að ferðamenn gangi örna sinna á almannafæri. Dóra Sigurðardóttir, bóndi á Vatnsdalshólum í Vatnsdal, Austur-Húnavatnssýslu, kom að ferðamanni, konu, að ganga örna sinna á túni skammt frá bæ Dóru á dögunum. Meira »

Eldur í ruslagámum í bílskýli við Laugaveg

00:17 Slökkviliðinu á höfuðborgarsvæðinu barst tilkynning um eld í ruslagámum í bílskýli við Laugaveg 176 laust fyrir klukkan hálftólf í kvöld. Meira »

Telja endurskipun í stöðu framkvæmdastjóra LÍN ófaglega

00:04 Landssamtök íslenskra stúdenta (LÍS) lýsa yfir miklum vonbrigðum með vinnubrögð mennta- og menningarmálaráðuneytis við endurskipun í embætti framkvæmdastjóra Lánasjóðs íslenskra námsmanna. Meira »

Sólríkt í höfuðborginni á morgun

Í gær, 22:33 Heiðskírt verður á höfuðborgarsvæðinu mestan hluta morgundagsins og von er á fjölmörgum sólskinsstundum. „Ef þetta gengur allt eftir eins og við erum að vona þá léttir til seinni part nætur og verður orðið heiðskírt þegar fólk fer til vinnu [á morgun]. Það verður ágætlega bjart yfir á morgun, en svo er ballið búið,“ segir Óli Þór Árnason, veðurfræðingur á Veðurstofu Íslands. Meira »

Heitar umræður í borgarstjórn

Í gær, 21:50 Fyrsti fundur nýrrar borgarstjórnar var settur í dag klukkan tvö. Fyrir fundinum lágu 54 mál, mörg hver formsatriði. Dagur B. Eggertsson var endurkjörinn borgarstjóri, Dóra Björt Guðjónsdóttir forseti borgarstjórnar og Þórdís Lóa Þórhallsdóttir formaður borgarráðs í samræmi við meirihlutasáttmála Samfylkingar, Viðreisnar, Pírata og Vinstri grænna. Meira »

Páfagaukur eyðir nóttinni hjá lögreglu

Í gær, 21:33 Hópur erlendra ferðamanna sem voru staddir við höfnina á Húsavík í dag ráku upp stór augu þegar páfagaukur kom fljúgandi að þeim og tyllti sér á öxlina á einum ferðamanninum. Meira »

Tók HM-klippinguna alla leið

Í gær, 21:19 „Maður verður að taka þetta alla leið, það þýðir ekkert annað,“ segir Ýr Sigurðardóttir sem fór alla leið með HM-hárgreiðsluna í ár, en rakarinn hennar, Fabian á stofunni Jacas í Orlando í Bandaríkjunum, lét höfuð Ýrar líta út eins og fótbolta. Meira »

Draumurinn kviknaði við fermingu

Í gær, 20:49 Sesselja Borg, 19 ára gömul ballettdansmær, hlaut nýverið inngöngu á atvinnudansnámsbraut við hinn virta Joffrey ballettskóla í New York. Sesselja hefur dansað ballett frá þriggja ára aldri og hefur hún tvisvar sinnum verið valin til þess að keppa fyrir Íslands hönd í alþjóðlegri ballettkeppni. Meira »
INTENSIVE ICELANDIC, ENGLISH & NORWEGIAN f. foreigners - ÍSLENSKA f. útl - ENSKA f. fullorðna - NORSKA
START/BYRJA: ÍSLENSKa, ENSKA,NORSKA: I, II, III, IV, V, VI: 2018: 28/5, 25/6, 2...
Ódýr Nýr Ferðanuddbekkur nokkur stk 46.000 www.egat.is
- Hægt að hækka og lækka bak eins og hentar - Ferðataska fylgir - þyngd 18.5 k...
Klettar - Heilsárshús - 65fm + 35fm svefnloft
Splunkunýtt! Klettar - Heilsárshús Klettar er heilsárshús sem flestir ættu að...