„Þetta er félag sem vill stuðla að jafnrétti, jafnvægi og framþróun. Það eru um 300 konur skráðar í félagið og við hittumst á viðburðum einu sinni til tvisvar í mánuði, höldum námskeið, förum í fyrirtækjaheimsóknir og byggjum tengslanet okkar á milli og inn í atvinnulífið.“
Þetta segir Sigyn Jónsdóttir, hugbúnaðar- og rekstrarverkfræðingur og formaður Ungra athafnakvenna (UAK) í Morgunblaðinu í dag. Félagið verður með UAK-daginn, ráðstefnu tileinkaða ungum konum í atvinnulífinu sem verður haldin í fyrsta skipti um helgina í Norðurljósum Hörpu.
Ráðstefnan ber yfirskriftina „Höfum áhrif í breyttum heimi“ og verða tekin fyrir málefni á borð við fjórðu iðnbyltinguna og áhrifamiklar konur í fjölmiðlum.
Sjá viðtal við Sigyn í heild á baksíðu Morgunblaðsins í dag.