Engin vandamál hafa komið upp núna í morgun þegar nemendur í 9. bekkjum grunnskóla landsins tóku samræmd próf í stærðfræði. Um klukkan tíu höfðu tæplega 400 nemendur þegar skilað prófinu og enn eru tæplega þrjú þúsund nemendur að leysa það.  

Í gær gátu fjölmargir nemendur ekki lokið við samræmt próf í íslensku vegna tæknilegra erfiðleika. 

Frétt af mbl.is

Ekki sjálfgefið að taka prófið aftur

Ástæðan er sú að tölvuþjónn í Írlandi sem prófakerfið er rekið á hrundi. Hann náði ekki að ráða við álagið þegar þessi fjöldi nemenda skráði sig inn í prófið á sama tíma. Í dag var brugðist við því með því að fjölga netþjónunum, að sögn Arnórs Guðmundssonar forstjóra Menntamálastofnunnar. 

„Við töldum okkur vera búin að laga kerfið hér heima á Íslandi og þá gerist þetta,“ segir Arnór. Þegar samræmdu prófin voru lögð fyrir í fyrra komu upp tæknileg vandamál þar sem nemendur gátu til dæmis ekki skráð sig inn í prófið eða duttu út úr því. Þau vandamál tengdust tölvukerfinu hér heima. 

Tengdar fréttir

Samræmd próf í 9. bekk 2018

Taka samræmdu prófin í september

• Endurtaka prófin í vor eða haust
• Umdeild próf ekki birt að sinni
• Veita aðgang að samræmdum prófum
• Samræmdu prófin á skjön?

» Fleiri tengdar fréttir

• Blogga um frétt