Ásrún Ösp Vilmundardóttir kom, sá og sigraði á Royal London Pro fitness-mótinu í gærkvöldi. Hún fór með sigur af hólmi í sínum flokki í fitness kvenna (e. figure fitness) varð einnig heildarsigurvegari mótsins sem tryggði henni atvinnumannaskírteini í fitness kvenna.
Samkvæmt upplýsingum frá Iceland fitness er þetta í annað skipti sem Íslendingur vinnur sér inn atvinnumannaskírteini í fitness en það var Margrét Gnarr sem vann sér inn réttindin í módelfitness (e. bikinifitness) árið 2013.
Þetta er annað mótið á nokkrum dögum sem Ásrún vinnur en hún vann einmitt sinn flokk á Arnold Classic USA mótinu í Columbus í Bandaríkjunum 3.mars.