Innlent | mbl | 12.3.2018 | 16:23 | Uppfært 13.3.2018 10:19

Elvar Wang Atlason sigraði

Marteinn dómnefndarfulltrúi og þeir sem voru í fimm efstu sætunum í lokakeppni stærðfræðikeppninnar í ár: Tómas Ingi Hrólfsson, Breki Pálsson, Elvar Wang Atlason, Hrólfur Eyjólfsson og Ari Páll Agnarsson. Þeir ásamt 12 öðrum verða fulltrúar Íslands í Norrænu stærðfræðikeppninni þann 9. apríl næstkomandi. Ljósmynd/Bjarnheiður Kristinsdóttir

Við hátíðlega athöfn í Háskólanum í Reykjavík í gær voru tilkynnt úrslit og úthlutuð verðlaun vegna stærðfræðikeppni framhaldsskólanema. 35 nemendur mættust í úrslitakeppni framhaldsskólanema í stærðfræði laugardag síðastliðinn. Elvar Wang Atlason, nemandi við Menntaskólan í Reykjavík, sigraði örugglega með 59 stig af 60 mögulegum. Í 2. sæti var Breki Pálsson með 55 stig og í 3. sæti með 47 stig var Hrólfur Eyjólfsson, báðir nemendur við Menntaskólann í Reykjavík.

Nemendur í 17 efstu sætunum munu taka þátt í Norrænu stærðfræðikeppninni fyrir Íslands hönd þann 9. apríl næstkomandi. Þeim Elvari og Breka hefur þegar verið boðið að taka sæti í sex manna liði Íslands fyrir Ólympíukeppni í stærðfræði sem fram mun fara í Cluj Napocao í Rúmeníu í sumar. Hvaða fjórir nemendur til viðbótar bætast í sex manna lið Íslands mun ráðast að lokinni Norrænu keppninni.

Skipuleggjendur segja í tilkynningu að „kynjahallinn sem birtist í listanum hér, er skipuleggjendum keppninnar áhyggjuefni. Líklegt má ætla að fleiri stúlkur væru í hópnum ef þær fengju meiri hvatningu til að taka þátt.“

1.	Elvar Wang Atlason	MR
2.	Breki Pálsson	MR
3.	Hrólfur Eyjólfsson	MR
4.-5.	Ari Páll Agnarsson	MR
4.-5.	Tómas Ingi Hrólfsson	MH
6.	Andri Snær Axelsson	MR
7.	Árni Bjarnsteinsson	MR
8.	Margrét Snorradóttir	MR
9.-10.	Þorsteinn Ívar Albertsson	MR
9.-10.	Ásmundur Óskar Ásmundsson	MR
11.	Eldar Máni Gíslason	MR
12.-13.	Þorsteinn Freygarðsson	MR
12.-13.	Sindri Unnsteinsson	MA
14.-15.	Vigdís Gunnarsdóttir	MR
14.-15.	Bjarki Baldursson Harksen	MR
16.	Gamithra Marga	VMA
17.	Garðar Ingvarsson	MR