KSÍ óskar skýringa hjá FIFA
Setja bókamerki
Knattspyrnusamband Íslands hefur sent fyrirspurn til Alþjóðaknattspyrnusambandsins, FIFA, um hvers vegna ekki verður hægt að kaupa miða á leik Íslands og Argentínu í miðasöluglugganum sem opnar í fyrramálið vegna HM í Rússlandi í sumar.
„Við vitum að það var mikil eftirspurn í Argentínu vegna leiksins,“ segir Klara Bjartmarz, framkvæmdastjóri KSÍ, en bætir við að knattspyrnusambandið viti ekki hversu margir miðar voru seldir í miðasöluglugganum í fyrra á leiki Argentínu í keppninni.
Hún segir óljóst hvort selst hafi fleiri miðar á leik Íslands og Argentínu heldur en aðra leiki.
„Við vitum að þetta er ekki stærsti völlurinn í keppninni og mögulega eru leikir sem fara fram í Moskvu ásetnari en aðrir leikir, þannig að það er hugsanlegt að það hafi verið seldir fleiri miðar á þennan leik fyrir fram áður en kom í ljós hvaða lið voru þarna.“
Guðni Bergsson, formaður KSÍ, greindi frá því í byrjun mars að leikur Íslands og Argentínu sé meðal þeirra sem hvað mest spurn er eftir miðum á af öllum leikjum keppninnar.
Gerir ráð fyrir 150 samningum í næstu viku
Hæstiréttur staðfestir vanhæfi alls Landsréttar
29 nautgripir fundust dauðir
Segjast hafa skotið niður langdræga sprengjuvél
Bjarkey stendur við skammarbréf Svandísar
Mun fara sparlega með málskotsréttinn
Ný staða uppi og óvissan meiri
Færa slökkviliðið til nútímans