Ólétt að fjórða barni og dæmd í 16 mánaða fangelsi

Kona á fertugsaldri sem ólétt er að sínu fjórða barni var fyrir helgi dæmd í 16 mánaða fangelsi, þar af 14 mánuði skilorðsbundið, fyrir 59 milljón króna fjárdrátt. Saksóknari hafði farið fram á 14 mánaða fangelsi yfir henni. Játaði konan brot sín fyrir dómi, en í dómi málsins segir ljóst að hún hafi dregið sér mjög háar fjárhæðir nánast óslitið til fjölda ára og ekkert endurgreitt.

Í dóminum segir að í ljósi þess hversu stórfelld brotin eru þyki ekki unnt að skilorðsbinda refsinguna að öllu leyti.

Frétt af mbl.is

Ákærð fyrir 59 milljóna fjárdrátt

Konan var framkvæmdastjóri einka­hluta­fé­lags í eigu henn­ar og móður sam­býl­is­manns henn­ar. Voru fjár­mun­irn­ir færðir á reikn­inga í  eigu henn­ar og sam­býl­is­manns henn­ar, tekn­ir út í reiðufé og einnig ráðstafað í ým­is­kon­ar neyslu á ár­un­um sem um ræðir.

Eft­ir að fyr­ir­tækið var úr­sk­urðað gjaldþrota árið 2014 milli­færði kon­an í 14 skipti sam­tals 4,4 millj­ón­ir af banka­reikn­ing þess yfir á sína per­sónu­lega reikn­inga.

Sam­kvæmt ákæru máls­ins nam fjár­drátt­ur­inn 1,5 millj­ón­um árið 2007 og rúm­lega 4 millj­ón­um árið 2008. Árið 2009 var hann aðeins 20 þúsund og árið 2010 um 100 þúsund, en fór svo á flug að nýju árið 2011 þegar hann var 7,7 millj­ón­ir. Árið 2012 er svo ákært fyr­ir 13,8 millj­óna fjár­drátt, árið 2013 fyr­ir 17,2 millj­ón­ir og árið 2014 fyr­ir 14,9 millj­ón­ir.

Frétt af mbl.is

Fara fram á fangavist yfir óléttri konu

Kon­an notaði de­bet­kort fyr­ir­tæk­is­ins meðal ann­ars til að kaupa skyndi­bita í fjöl­mörg skipti, af­borg­an­ir af mótor­hjóli, eldsneyti, mat­vöru, leik­föng og fatnað. Þá var það notað til að greiða fyr­ir ým­iss út­gjöld er­lend­is, eins og hót­elg­ist­ingu, fata­kaup og veit­ingastaði.

Kon­an var auk þess fundin sek um að hafa látið und­ir höfuð leggj­ast að færa lög­boðið bók­hald frá ár­inu 2011 til 2014, en sam­kvæmt árs­reikn­ingi árs­ins 2010 kom upp eld­ur í starfstöð fyr­ir­tæk­is­ins og töpuðust við það öll bók­halds­gögn fé­lags­ins. Rak fé­lagið meðal ann­ars bón­stöð og þá stundaði það flutn­inga ým­iss kon­ar. Voru tekj­ur fé­lags­ins það ár aðeins skráðar sam­kvæmt virðis­auka­skatt­skil­um.

Sam­býl­ismaður kon­unn­ar er ekki ákærður í mál­inu, en fram kem­ur í ákær­unni að kon­an hafi milli­fært yfir 16 millj­ón­ir á reikn­ing hans á tíma­bil­inu sem um ræðir.

Við þingfestingu meðferð málsins fyrir dómi sagði saksóknari ljóst að brotin hefðu verið framin af hreinum ásetningi og ekkert hafi verið greitt til baka.

• Blogga um frétt