Stofnað var aðildarfélag Pírata í Mosfellsbæ á laugardaginn en stofnfundurinn fór fram á Bókasafni Mosfellsbæjar. Þátttakendur voru 25-30 samkvæmt fréttatilkynningu.
Kosin var þriggja manna stjórn félagsins og lög þess samþykkt. Stjórnarmenn voru kjörin Sigrún Guðmundsdóttir, Kristján Ingi Jónsson og Einar Bogi Sigurðsson.
Fyrsti stjórnarfundur Pírata í Mosfellsbæ fer fram í dag þar sem stjórnarmenn munu skipta með sér verkum og boða til almenns félagsfundar um framboðsmál.
Til skoðunar er að Píratar og Íbúahreyfingin í Mosfellsbæ vinni saman fyrir sveitarstjórnarkosningarnar í vor.