Aðstandendur Hauks funda með Guðlaugi
Setja bókamerki
Um klukkan 15 hófst fundur í húsakynnum utanríkisráðuneytisins, þar sem fimm aðstandendur Hauks Hilmarssonar, sem talinn er hafa látist í Sýrlandi í lok febrúar, sitja með Guðlaugi Þór Þórðarsyni utanríkisráðherra og fara yfir stöðuna. Eva Hauksdóttir, móðir Hauks, tekur einnig þátt í fundinum með myndsímtali, en hún býr erlendis.
Hún átti fund með borgaraþjónustunni í gær og greina fjölskylda og aðstandendur Hauks frá því í fréttatilkynningu í dag að ráðuneytið hafi þá verið búið að setja sig í samband við ýmis sendiráð og ræðismenn um víða veröld, en hefði engar tilraunir gert til að ná beinu sambandi við ráðuneyti í Tyrklandi, hernaðaryfirvöld eða lögreglu.
„Svo virðist sem ráðuneytið sé að bíða eftir því að ræðismenn hingað og þangað rannsaki málið eftir sínum eigin leiðum. Engin svör hafa fengist með því móti,“ segir í tilkynningunni.
Fjölskyldan er ósátt við þetta og fer fram á að utanríkisráðherra sjái til þess að haft verði beint samband við yfirvöld í Tyrklandi og NATO og upplýsinga aflað um það hvort Haukur er lífs eða liðinn.
Aðstandendur Hauks vilja einnig tryggja að ef Tyrkir séu með líkamsleifar hans, líkt og hermt hefur verið, sjái utanríkisráðherra til þess að þær verði sendar til Íslands.
Sex hafa greinst með listeríu
Krefjast stöðvunar framkvæmda
Shakespeare fannst í skókassa
Veiting hvalveiðileyfis ekki brot á EES-samningi
Skiptir miklu meira máli en fólk grunar
Eyjafjarðarbraut lokað vegna alvarlegs umferðarslyss
Telur forsendur fyrir vaxtalækkun
Skar höfuðleðrið af íslenskri konu