Þingmönnum Bjartar framtíðar hótað

Theódóra segir að eftir á að hyggja hefði hún átt ...
Theódóra segir að eftir á að hyggja hefði hún átt að kæra hótanirnar til lögreglu. mbl.is/Eggert Jóhannesson

Theódóra Þorsteinsdóttir, stjórnarformaður Bjartrar framtíðar, segist hafa verið orðin hrædd og litið í kringum sig þegar hún gekk út úr Alþingishúsinu eftir að hún fékk nafnlaus símtöl með hótunum í kjölfar þess að flokkurinn ákvað að slíta stjórnarsamstarfi við Sjálfstæðisflokkinn og Viðreisn síðasta haust. Þetta kom fram í viðtali við Theódóru í Morgunútvarpinu á Rás 2 í morgun.

„Við fengum allskonar símtöl, fyrir og eftir slit. Við fengum mjög óæskileg símtöl. Það var verið að pikka í okkur. Sérstaklega eftir að við ákváðum að þetta væri ekki að ganga, að við gætum ekki tekið þátt í þessu út frá okkar prinsippum og við værum ekki að fara að vinna þarna í fjögur ár undir þessu.“

Theódóra sagði símtölin hafa verið ógnandi og henni hafi meðal annars verið sagt að hafa sig hæga því það væru barnaníðingar innan Bjartar framtíðar. Sagði hún Nichole Leigh Mosty, fyrrverandi þingmann flokksins, hafa fengið svipuð símtöl. En mál er varðaði uppreist æru barnaníðings var kornið sem fyllti mælinn í stjórnarsamstarfinu, að mati Bjartar framtíðar.

Ofsafengin viðbrögð

„Ég sinnti mínu starfi og kláraði þetta en ákvað síðan að draga mig út úr þessari umræðu því þetta hafði þannig áhrif að ég var farin að líta í kringum mig þegar ég labbað út úr þinghúsinu.“ Theódóra sagði að eftir á að hyggja hefði hún átt að kæra þessar hótanir og láta lögreglu rannsaka málið.

„Við ákváðum að draga ekki athyglina að þessum málum á þessum tímapunkti,“ sagði hún og átti þar við sig og Nichole. „Við ákváðum að gera það ekki og segja ekki frá því, en hvort það hafi verið rétt eða ekki veit ég ekki. En viðbrögðin, hvort sem þau voru frá þessum flokkum eða umhverfinu sem slíku, þau voru svo ofsafengin og komu af svo miklum krafti og miklu valdi að við áttum aldrei séns í þessari umræðu.“

Sagði hún flokkinn hafa verið fordæmdan fyrir ákvörðun sína að slíta samstarfinu og væri að uppskera það núna. „Við sitjum uppi með þetta og það er bara allt í lagi. Við erum ekki að stunda þessa brjálæðislegu flokkspólitík eins og fjórflokkurinn gerir, við þurfum ekki að viðhalda okkur. Við þurfum ekki að vera til af því við erum stofnun.“

Hótað og yfirheyrð af samstarfsflokki

Theódóra sagði þingmönnum Bjartar framtíðar einnig hafa verið hótað af Sjálfstæðisflokknum áður en til stjórnarslita kom. Meðal annars þegar Samfylkingin lagði fram frumvarp um breytingar á útlendingalögum. „Þá var það alveg ljóst að ef við ætluðum okkur að styðja það mál þá væri þessi ríkisstjórn sprungin.“ Spurð út í það hvort stjórnarslitum hafi verið hótað sagði Theódóra: „Já, það var allavega gert.“

Þá hafi þingmenn flokksins, Theódóra og Nicole verið kallað til þriðju gráðu yfirheyrslu hjá Sjálfstæðisflokknum. Sagði hún Sjálfstæðisflokkinn hafa reynt að draga þau inn í ástandið eins það var. Þau hafi hins vegar viljað breytingar, breytt vinnubrögð.

„Það að það var talað yfir hausamótunum á okkur og okkur hótað þegar við komum með eitthvað sem við vorum til í að gera öðruvísi. Eitthvað sem við höfðum frumvæði að, þá vorum við bara svolítið tekin fyrir.“

Björt framtíð mun ekki bjóða fram í borgarstjórnarkosningunum í vor en Björt Ólafsdóttir, formaður flokksins, sagði í samtali við Fréttablaðið í gær að árið hefði verið flokknum erfitt og að ákveðinnar mæðu gætti innan flokksins. Það hefur hins vegar verið staðfest að flokkurinn býður fram í Kópavogi, þar sem Theódóra er oddviti. Verið er að skoða með framboð í Hafnarfirði að hennar sögn og flokkurinn er í samstarfi í Garðabæ og á Akureyri.

mbl.is

Innlent »

Reiðhjól landsliðsmanna seld á uppboði eftir HM

05:30 „Hugmyndin er sú að hjólin verði sett á uppboð eftir HM og ágóðinn látinn renna til góðgerðarmála,“ segir Valur Rafn Valgeirsson, markaðsstjóri reiðhjólaverslunarinnar Tri, um reiðhjólin sem íslensku landsliðsmennirnir hafa notað á HM í Rússlandi. Meira »

Raforkuverð neyðir bónda til að hætta

05:30 „Það borgar sig að loka fremur en að vera með opið á veturna,“ segir Gísli Hallgrímsson, eigandi garðyrkjustöðvarinnar Brúnulaugar í Eyjafirði, sem mun í haust hætta ræktun paprika á veturna. Meira »

Umsvif upp á 23 milljarða

05:30 Áætlað er að félög tengd Norvik í timburvinnslu muni velta um 23 milljörðum króna í ár. Það yrði um 10% aukning milli ára. Umsvif Norvik í timbri hafa aldrei verið meiri síðan félagið hóf timburvinnslu í Lettlandi árið 1993. Meira »

Fleiri markmannstreyjur selst

05:30 Viðar Valsson, verslunarstjóri í Jóa útherja, telur að sala á íslensku markmannstreyjunni sé um þrefalt meiri en á Evrópumótinu í Frakklandi fyrir tveimur árum. Meira »

Kostar samfélagið 15 milljarða

05:30 Umferðarslysum fer fjölgandi og það er kostnaðarsamt fyrir samfélagið, segja sérfræðingar sem fara með erindi á Samgönguþingi í dag. Meira »

Sólskinsdagarnir vel nýttir í heyskap

05:30 Víða um land nýttu bændur heiðríkju og sólskin vel og hófu slátt í gær. Í Stóru-Sandvík í Árborg hófst sláttur í fyrradag en gærdagurinn var nýttur til hirðingar. Meira »

Svik og vanefndir tíðir fylgifiskar

05:30 Í niðurstöðum nýlegrar skýrslu Íslandsstofu um tjón útflytjenda í viðskiptum sínum við erlenda aðila kemur fram að meira en helmingur útflutningsfyrirtækja hefur lent í einhvers konar svikum eða vanefndum í starfsemi sinni. Meira »

Yfir landið á ská og langsum

05:30 Hermann Árnason, hrossabóndi á Hvolsvelli, ætlar að ríða á ská landshorna á milli og síðan eftir landinu endilöngu. Eftir ferðalagið verður hann búinn að ríða um flest héruð landsins og teikna stjörnu með ferðum sínum. Meira »

Segir starfsfólki Hvals meinað að vera í VLFA

Í gær, 23:40 Vilhjálmur Birgisson, formaður Verkalýðsfélags Akraness (VLFA), segir að starfsfólki Hvals hf. hafi verið meinað að vera meðlimir í félaginu á fundi með forsvarsmönnum Hvals hf. í morgun. Frá þessu greinir hann á Facebook-síðu sinni en hvalveiðar hófust að nýju í dag. Meira »

Tóku sólinni opnum örmum

Í gær, 22:48 Þar kom að því að allir landsmenn fengu að njóta sólarinnar. Sú gula lét sjá sig um allt land í dag og þótt ekki hafi verið mjög hlýtt þar sem vind­ur stend­ur af hafi komst hiti á nokkrum stöðum yfir 20 gráður. Mesti hiti á landinu í dag mældist í Árnesi, 20,7 gráður. Meira »

Eldur í bíl í Krýsuvík

Í gær, 21:55 Slökkviliðið á höfuðborgarsvæðinu var kallað út að Krýsuvíkurvegi um klukkan átta í kvöld vegna elds í bíl. Eldurinn kviknaði þegar bíllinn var í akstri. Að sögn slökkviliðsins gekk vel að slökkva eldinn en bíllinn er illa farinn, ef ekki ónýtur. Meira »

Ný bæjarstjórn Hafnarfjarðar kom saman

Í gær, 21:45 Fyrsti fundur nýrrar bæjarstjórnar Hafnarfjarðar fór fram í kvöld. Á fundinum var lagður fram samstarfssáttmáli nýs meirihluta Bæjarstjórnar Hafnarfjarðar 2018-2022 og kosið í ráð og nefndir á vegum bæjarins. Ágúst Bjarni Garðarsson var kjörinn formaður bæjarráðs og Kristinn Andersen forseti bæjarstjórnar. Meira »

Fékk ljómandi fína klippingu í Moskvu

Í gær, 21:40 „Ég var sú eina af mínum vinum sem fékk miða á alla þrjá leikina þannig ég var lengi á báðum áttum hvort ég ætti að fara eða ekki, en svo ákvað ég að slá bara til. Þetta hlyti að verða skemmtilegt,“ segir Sigrún Helga Lund Rússlandsfari. Meira »

Gengur fram af stjórnanda sínum

Í gær, 21:23 „Hún er fáránlega góður búktalari og byrjaði mjög ung að æfa sig í búktali, þegar hún var aðeins 9 ára,“ segir Margrét Erla Maack um bandaríska búktalarann Cörlu Rhodes sem er á leið til Íslands til að koma fram með Reykjavík Kabarett, en líka til að halda búktalsnámskeið fyrir bæði börn og fullorðna. Meira »

Reykjadalurinn var "stelpaður" 19. júní

Í gær, 21:11 Kvenréttindadagurinn var víða haldinn hátíðlegur og margar samkomur haldnar í tilefni dagsins. Samkomurnar voru fjölbreyttar, en sem dæmi „stelpuðu“ hjólakonur frá hjólreiðafélaginu Tind Reykjadalinn. Meira »

Sverrir Mar býður sig fram til formennsku ASÍ

Í gær, 20:35 Sverrir Mar Albertsson, framkvæmdastjóri AFLs starfsgreinasambands, hefur ákveðið að bjóða sig fram til formennsku í Alþýðusambandinu á þingi sambandsins í október. Þetta staðfestir hann í samtali við mbl.is. Meira »

41,5 milljarða afgangur af rekstri sveitarfélaga

Í gær, 20:08 Tekjur sveitarfélaga, sem falla undir A- og B-hluta starfsemi þeirra, námu 405,5 milljörðum króna í fyrra og jukust um 7% á milli ára. Hlutdeild sveitarfélaga í tekjum hins opinbera er nú 28,5 prósent og hefur ekki verið hærri í fimmtán ár, hið minnsta. Þetta kemur fram í skýrslu Íslandsbanka um íslensk sveitarfélög, sem kom út í dag. Meira »

Mikil fjölgun katta vegna húsnæðisvanda

Í gær, 19:13 Algjör sprenging hefur orðið í pöntunum á Hótel Kattholt og er hótelið nú fullbókað, mun fyrr en síðustu ár. Halldóra Snorradóttir, starfsmaður í Kattholti, segist tengja það beint við leiðinlegt veðurfar hér á landi það sem af er sumri. Meira »

Frú Ragnheiður auglýsir eftir tjöldum

Í gær, 18:54 Frú Ragnheiður — Skaðaminnkun, sem er verkefni á vegum Rauða Krossins Í Reykjavík, auglýsir eftir tjöldum fyrir heimilislausa skjólstæðinga sína. Alls hefur heimilislausum í Reykjavík fjölgað um 95% á síðustu fimm árum og voru um það bil 350 manns skráðir heimilislausir aðeins í Reykjavík í fyrra. Meira »
fágætar bækur til sölu
ti lsölu nokkrar fágætar bækur Fjórir leikþættir eftir Odd Björnsson með teik...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
LAND ROVER DISCOVERY 3 S, sjálfsk., disel, 7 manna
Til sölu LAND ROVER DISCOVERY 3 S, sjálfskiptur, dísel, 7 manna ekinn 197.000 km...