Tveir heppnir miðaeigendur hlutu hvor um sig 2,5 milljónir króna í vinning hjá Happdrætti Háskóla Íslands (HHÍ) en dregið var í kvöld. Þá hrepptu sjö heppnir miðaeigendur eina milljón króna hver og sextán miðaeigendur 500 þúsund krónur hver.
Heildarvinningsupphæðin í kvöld nam tæpum 97 milljónum króna. Í tilkynningu frá HHÍ er haft eftir Úlfari Gauta Haraldssyni, rekstrarstjóra flokkahappdrættis hjá HHÍ, að milljónirnar 97 skiptist á milli 3.269 heppinna miðaeigenda.
Milljónaveltan gekk ekki út í kvöld og verður því tvöföld, eða 20 milljónir króna, í næsta mánuði.