Hönnunarmars hefst í dag og á meðal viðburða er sýning á vörum úr endurunnu áli í Hafnarhúsinu. Sýningin er hluti af átaki þar sem kertabikurum af sprittkertum var safnað saman.
Olga Ósk Ellertsdóttir er einn af sýnendum og hún segir álið skemmtilegt og bjóði upp á marga möguleika. „Ég held að þetta sé framtíðin, að finna leiðir til að skapa verðmæti úr rusli.“ Olga gerði stólinn Morfeus fyrir verkefnið og hún segir hann hafa verið gerjast í höfðinu á sér í tvö ár. Hún segist hafa haft áhuga á að vinna með álið lengi og að það sé einmitt sérstaklega skemmtilegt að vinna út frá heimspeki og vísindum.
Aðrir sýnendur eru: Studio Portland, Ingibjörg Hanna og Sigga Heimis sem sýnir hjólagrind úr áli sem hún hannaði fyrir Seltjarnarnesbæ.
Það er Samál sem stendur að verkefninu sem er unnið í samstarfi við Málmsteypuna Hellu. Áhersla var lögð á skapa nytjahluti fyrir íslenskan veruleika og var innblástur sóttur í daglegt líf.
mbl.is kíkti í Hafnarhúsið.