Rýmingu reita 4 og 6 undir Strandartindi á Seyðisfirði, sem lýst var yfir í gær, hefur verið aflétt. Þetta var ákveðið á fundi ofanflóðavár Veðurstofu Íslands sem kom saman í dag.
Frétt mbl.is: Hættustig enn í gildi
Dregið hefur úr úrkomu á Seyðisfirði og hætta á votum flóðum hefur því minnkað. Óvissustig vegna snjóflóða er þó enn í gildi.
Töluverð snjóflóðahætta er á utanverðum Tröllaskaga og á Austfjörðum og nokkur snjóflóðahætta er á norðanverðum Vestfjörðum.
Hér má fylgjast með snjóflóðavakt Veðurstofunnar.