Allt tiltækt lið slökkviliðs höfuðborgarsvæðisins var kallað út á áttunda tímanum í kvöld að Kleppsvegi. Þegar á staðinn kom reyndist málið ekki jafnstórt og menn höfðu óttast; kvöldmatur hafði brunnið við í potti og myndaðist mikill reykur af þeim sökum.
Samkvæmt upplýsingum frá slökkviliðinu á höfuðborgarsvæðinu sneru menn við þegar fyrsti bíll var kominn á svæðið og upplýsti aðra um hver staðan væri.
Unnið er að því að reykræsta íbúðina og stigaganginn.