Þrettán sóttu um embætti skrifstofustjóra heilbrigðisþjónustu í velferðarráðuneytinu. Umsóknarfrestur rann út 12. mars síðastliðinn.
Skrifstofa heilbrigðisþjónustu er önnur tveggja fagskrifstofa á heilbrigðissviði ráðuneytisins. Meginhlutverk hennar er að annast verkefni sem varða skipulag heilbrigðisþjónustu, sérhæfingu og verkaskiptingu þjónustuaðila. Einnig falla undir sviðið sjúkrahús, heilbrigðisstofnanir, heilsugæsla, heilbrigðisþjónusta utan stofnana, hjúkrunar- og dvalarheimili, læknisfræðileg endurhæfing, hjálpartæki og sjúkratryggingar, að því er fram kemur í tilkynningu frá velferðarráðuneytinu.
Umsækjendur um embættið eru eftirtaldir:
Sérstök hæfnisnefnd, skipuð þremur einstaklingum, mun meta hæfni umsækjenda og skila greinargerð til heilbrigðisráðherra. Nefndin starfar samkvæmt reglum nr. 393/2012, um ráðgefandi nefndir er meta hæfni umsækjenda um embætti við Stjórnarráð Íslands.