Lið Fjölbrautaskólans í Garðabæ (FG) tryggði sér í kvöld sæti í úrslitum Gettu betur, spurningakeppni framhaldsskólanna, eftir sigur á Menntaskólanum á Akureyri (MA) í viðureign skólanna í undanúrslitum keppninnar.
Sigur FG var ljós eftir að bjölluspurningunum lauk og munurinn á liðunum orðinn 11 stig. Lokaniðurstaðan var sú að FG sigraði með 40 stigum gegn 28 stigum MA.
FG mætir Kvennaskólanum í Reykjavík í úrslitum sem fara fram að viku liðinni í Háskólabíói.
Frétt mbl.is: Kvennaskólinn í úrslit Gettu betur